சனத்தொகை அதிகரிப்புக்கு ஏற்ப தேங்காய் உற்பத்தியில் வளர்ச்சி ஏற்படாததே தேங்காய் தட்டுப்பாட்டுக்கும் விலை உயர்வுக்கும் காரணம் ; தாவரவியல் விஞ்ஞான சிரேஷ்ட பேராசிரியர் தரவுகளுடன் தெரிவிப்பு

சனத்தொகை அதிகரிப்புடன் ஒப்பிடுகையில் கடந்த 20 வருடங்களில் தேங்காய் உற்பத்தியில் ஏற்பட்டுள்ள வீழ்ச்சியே நாட்டில் தேங்காய்  விலை உயர்வதற்கு முக்கிய காரணம் என ருஹுனு பல்கலைக்கழகத்தின் தாவரவியல் விஞ்ஞான சிரேஷ்ட பேராசிரியர் திரு.அருண குமார கூறுகிறார்.

2000 ஆம் ஆண்டளவில் தேங்காய் உற்பத்தியானது 3000 மில்லியன் தேங்காய்களின் பெறுமதியில் இருந்ததாகவும், அப்போது நாட்டின் மக்கள் தொகை 18 மில்லியனாக இருந்ததாகவும் பேராசிரியர் கூறினார்.

2024ஆம் ஆண்டுக்குள் நாட்டின் சனத்தொகை 23 மில்லியனாக அதிகரித்த போதிலும், தேங்காய் உற்பத்தியில் வளர்ச்சி காணப்படவில்லை என அவர் சுட்டிக்காட்டியுள்ளார்.

இதன் காரணமாக தேவைக்கு ஏற்ப தேங்காய் உற்பத்தி இல்லாததால் தேங்காய் தட்டுப்பாடு பெருமளவில் பாதிக்கப்பட்டுள்ளதாக பேராசிரியர் தெரிவித்தார்.

இதேவேளை, தென்னை பற்றாக்குறைக்கு நீண்டகால தீர்வாக இந்த வருடம் 3 மில்லியன் தென்னங்கன்றுகளை நடுவதற்கு தென்னை பயிர்ச்செய்கை சபை தீர்மானித்துள்ளது.

சமீப வருடங்களில் தேங்காய் விலையை ஒப்பிடுகையில், 2020ல் ஒரு தேங்காய் சந்தையில் 60 முதல் 70 ரூபாய் வரை விற்கப்பட்டது.

2022ஆம் ஆண்டின் இறுதியில் தேங்காய் ஒன்றின் விலை 100 ரூபாவாக இருந்தது.

2023 ஆம் ஆண்டின் இறுதியில், ஒரு தேங்காய் சராசரி சில்லறை விலை 80-120 ரூபாய்க்குள் இருந்தது.

எவ்வாறாயினும், 2024 ஆம் ஆண்டு இறுதிக்குள் தேங்காய் ஒன்றின் சில்லறை விலை 160 ரூபாயிலிருந்து 200 ரூபாவாக அதிகரித்திருந்தது.

தற்போது வெளியாகியுள்ள தரவுகளின்படி, 2024ஆம் ஆண்டில் தேங்காய் உற்பத்தி சுமார் 700 மில்லியன் தேங்காய்கள் குறைந்துள்ளது.

கடந்த நான்கு ஆண்டுகளில், ஆண்டு தேங்காய் உற்பத்தி 2020 இல் 2792 மில்லியன் தேங்காய்கள், 2021 இல் 3120 மில்லியன் தேங்காய்கள், 2022 இல் 3391 மில்லியன் தேங்காய்கள் மற்றும் 2023 இல் 2682 மில்லியன் தேங்காய்கள் என பதிவு செய்யப்பட்டுள்ளது.

இவ்வாறு பல முக்கிய காரணிகள் தேங்காய் விளைச்சல் குறைவதை பாதித்துள்ளன.

அதில், உரம் இடுவதை குறைப்பது, வன விலங்குகளால் ஏற்படும் பாதிப்புகள், வானிலை மாற்றங்கள், தென்னந்தோப்பு நிலங்களை சமீபகாலமாக பார்சல் செய்து, வேறு திட்டங்களுக்கு விற்பனை செய்வது, முக்கிய பிரச்னையாக உள்ளது.

இதன் காரணமாக 2021 ஆம் ஆண்டு விசேட வர்த்தமானி மூலம் தென்னை மரத்தை 2000 ஆம் ஆண்டின் 1 ஆம் இலக்க மரங்கள் வெட்டும் கட்டுப்பாட்டு திருத்தச் சட்டத்தின் கீழ் உள்ளடக்குவதற்கு நடவடிக்கை எடுக்கப்பட்டது.