லொறியை கடத்திச் சென்ற சந்தேக நபர் மொஹமட் மிஸ்கீனை 48 மணி நேரம் தடுப்பு காவலில் வைத்து விசாரிக்கவுள்ள காவல்துறை ..

உத்தரவை மீறி பயணித்த லொறி ஒன்றின் மீது காவல்துறையினர் துப்பாக்கிச் சூடு நடத்தியுள்ளனர்.

கடுவலை பகுதியில் இந்த துப்பாக்கிச் சூடு நடத்தப்பட்டுள்ளது.விசாரணைகளின் போது இந்த லொறி வத்தளை பகுதியில் திருடப்பட்டுள்ளதாகத் தெரியவந்துள்ளது.

நுரைச்சோலையை சேர்ந்த ஒருவருடைய லொறி எனவும் இது மரக்கறி கொள்வனவிற்கு பயன்படுத்தப்படும் லொறி எனவும் தெரியவந்துள்ளது.

லொறி காணாமல் போனமை தொடர்பில் அதன் உரிமையாளர் காவல்துறையில் முறைப்பாடு ஒன்றையும் பதிவு செய்துள்ளார்.

கடுவலயில் இருந்து கொஸ்வத்த நோக்கிக் குறித்த லொறி பயணித்த நிலையில் அதனைப் பின்தொடர்ந்த காவல்துறையினர் லொறியின் டயர்களில் துப்பாக்கிச் சூட்டை நடத்தியுள்ளனர்.

குறித்த சம்பவத்தின் போது நபர் ஒருவரை காவல்துறையினர் கைது செய்துள்ளனர்.கைது செய்யப்பப்பட்ட சந்தேக நபர் 25 வயது நிரம்பிய மொஹமட் மிஸ்கின் என்ற களனி குத்துகும்புற கத்த பிரதேசத்தை சேர்ந்தவர் என கூறப்பட்டது.

சந்தேக நபரிடம் இருந்து கைக்குண்டு ஒன்றையும் கைப்பற்றியுள்ள நிலையில் அது உள்நாட்டு தயாரிப்பு கைக்குண்டு என கூறப்பட்டது.

சந்தேக நபரை 48 மணிநேரம் தடுப்பு காவலில் வைத்து விசாரணை செய்ய நீதிமன்ற அனுமதி கோரவுள்ளதாக பொலிஸார் தெரிவித்துள்ளனனர்.