முன்னாள் ஜனாதிபதி மஹிந்த ராஜபக்ஷவின் புதல்வர் யோஷிதராஜபக்ஷ தலைமையிலான கார்ல்டன் ஸ்போர்ட்ஸ் பிரைவேட் நிறுவனத்திற்கு எதிராக 2016ஆம் ஆண்டு முதல் குற்றப் புலனாய்வுத் திணைக்களம் விசாரணைகளை முன்னெடுத்திருந்தது.
இதன் போது ஐம்பத்தொன்பது மில்லியன் ரூபா பெறுமதியான நிலையான வைப்புத் தொகை இருந்ததாகவும், அந்த வங்கிக் கணக்கு யோஷித ராஜபக்ஷ மற்றும் அவரது பாட்டியான டெய்சி ஃபாரஸ்ட் விக்ர மாசிங்கவின் பெயரில் பேணப்பட்டதாகவும் தெரியவந்துள்ளது.
தொண்ணூற்றேழு வயதான டெய்சி ஃபாரஸ்ட் விக்கிரமசிங்க விசாரணைகள் தொடர்பான வாக்குமூலத்தைப் பெறுவதற்காக குற்றப் புலனாய்வுத் திணைக்களத்திற்கு அழைக்கப்பட்டுள்ளார்.
வாக்குமூலத்தைப் பெற்றுக் கொண்ட பின்னர் அவர் கைது செய்யப்பட்டு கடுவெல நீதவான் நீதிமன்றில் முன்னிலைப்படுத்தப்பட்டார்.
ஐம்பத்தொன்பது மில்லியன் ரூபா கூட்டுக் கணக்கு தொடர்பில் அவர் கைது செய்யப்பட்டுள்ளதாகவும்,அது எவ்வாறு சம்பாதித்தது என்பது குறித்து வெளியிட முடியாதெனவும் குற்றப் புலனாய்வு திணைக்களத்தின் நிதிக் குற்றப் புலனாய்வுப் பிரிவின் அதிகாரிகள் தெரிவித்தனர்.
நிதி மோசடி டி தடுப்புச் சட்டத்தின் கீழ் அவர் மீது வழக்குப் பதிவு செய்யப்பட்டுள்ளதாகவும் அவர்கள் தெரிவித்தனர்.
எவ்வாறாயினும், பிரதிவாதி சார்பில் பிணை கோரிய சட்டத்தரணி, இது தொடர்பான ஆரம்பகட்ட விசாரணை 2015 ஆம் ஆண்டு ஆரம்பிக்கப்பட்டதாகவும், சட்டமா அதிபரின் ஆலோசனைக்காக 2017 ஆம் ஆண்டு விசாரணைப் பகுதி கோப்பு தாக்கல் செய்யப்பட்டதாகவும் அவர் சுட்டிக்காட்டினார்.
‘ஐயா, எனது கட்சிக்காரர் முதன்முதலில் விசாரணைகள் தொடர்பாக பத்து ஆண்டுகளுக்கு முன்பு வாக்குமூலம் கொடுத்தார்.இப்போது அவருக்கு தொண்ணூற்று ஏழு வயது. உடல் வலிமையுடன் சுற்றித் திரிந்தாலும் அவரது நினைவாற்றல் நல்ல நிலையில் இல்லை.அவர் பெயரைத் தவிர வேறு எதுவும் நினைவில் இல்லை. காலை உணவுக்கு அவர் என்ன சாப்பிட்டார் என்பது கூட அவளுக்கு நினைவில் இருக்காது.இதுபோன்ற சூழ்நிலையில், 2013ல் வங்கி கணக்கில் நடந்த பணப் பரிவர்த்தனைகள் குறித்து, விசாரணை அதிகாரிகள் விசாரிக்கின்றனர்’ என்றார்.
சந்தேகநபருக்கு பிணை வழங்குவதற்கு தாம் எதிர்க்கவில்லை எனவும் குற்றப் புலனாய்வு திணைக்களம் தெரிவித்ததுடன், முன்வைக்கப்பட்ட உண்மைகளை கருத்திற்கொண்ட கடுவெல நீதவான் நீதிமன்றம் சந்தேகநபர் தலா ஐம்பது இலட்சம் ரூபாவுடன் பிணையுல் செல்ல உத்தரவிட்டது.
