அமெரிக்க தேர்தலில் பல்வேறு மாநிலங்களில் டொனால்ட் ட்ரம்பின் குடியரசுக் கட்சி படு தோல்வியை சந்தித்தது.
அமெரிக்காவில் இடம்பெற்ற தேர்தலில், பல்வேறு மாநிலங்களில் ட்ரம்பின் குடியரசுக் கட்சி தோல்வியை தழுவியுள்ளது.
அமெரிக்காவில் இரண்டாவது முறையாக ஜனாதிபதியாக ட்ரம்ப் பதவியேற்ற பிறகு, முதல் முறையாக தேர்தல்கள் நடத்தப்பட்டுள்ளன. மாநில ஆளுநர், சட்டமாஅதிபர்,மேயர் உள்ளிட்ட பதவிகளுக்கு தேர்தல் நடத்தப்பட்டது. இதில் பெரும்பாலான இடங்களில் ட்ரம்ப்பின் குடியரசு கட்சி தோல்வியை தழுவியுள்ளது.
வேர்ஜினியா மாநில ஆளுநர் தேர்தலில் ஜனநாயக கட்சி வேட்பாளர் ஸ்பான்பெர்கர், ட்ரம்ப் கட்சியின் வேட்பாளரை தோற்கடித்தார். வேர்ஜினியா மாநிலத்தில் சட்டமாஅதிபர் பதவிக்கான தேர்தலில் ஜனநாயக கட்சியை சேர்ந்த கசாலா ஹாஸ்மி வெற்றி பெற்றுள்ளார்.
நியூஜெர்சி மாநில ஆளுநர் தேர்தலில், ஜனநாயக கட்சியை சேர்ந்த மிக்கி செரில், ட்ரம்ப் கட்சியின் வேட்பாளரை தோற்கடித்தார். நியூயோர்க் மேயர் தேர்தலில், ஜனநாயக கட்சி வேட்பாளர் மம்தானி, ட்ரம்ப் கட்சியின் வேட்பாளரை தோற்கடித்தார்.
மாசாசுசெட்ஸ் நகர மேயர் தேர்தலில் ஜனநாயக கட்சியை சேர்ந்த மிசேல் வூ வெற்றி பெறும் நிலையில் உள்ளார்.
இதேபோல, கலிபோர்னியா மாநிலத்தில் மாவட்ட தொகுதி மறு வரையறை தொடர்பான ஜனநாயக கட்சியின் நிலைப்பாட்டுக்கு ஆதரவாகவும் மக்கள் வாக்களித்துள்ளனர். இதன் மூலம் கலிபோர்னியா மாநிலத்தில் ஜனநாயக கட்சியின் நிலை வலுவாகும் வாய்ப்பு ஏற்பட்டுள்ளது.
