70 பயணிகளுடன் அநுராதபுரம் – புத்தளம் வீதியில் உள்ள பாலத்தில் சிக்கிய பஸ், பயணிகளின் இடுப்பு அளவு வரை நீர் நிரம்பிய நிலையில் கடற்படையால் மீட்பு ஆரம்பம்

70 பயணிகளுடன் கலாவெவ பாலத்தில் சிக்கியுள்ள பேருந்தில், பயணிகளின் இடுப்பு அளவு வரை நீர் நிரம்பியுள்ளதாகத் தெரியவந்துள்ளது.

அதில் இருந்த ஒரு பயணி  பேசுகையில், கடற்படையின் படகு மூலம் இதுவரை 6 பேர் மீட்கப்பட்டுள்ளதாகத் தெரிவித்தார்.

“ஒருவரும் வரவில்லை… ஒன்றரை மணி நேரம் எல்லோரையும் அழைத்தோம்” என்றார்.

அநுராதபுரம் – புத்தளம் வீதியில் உள்ள கலாவெவ பாலத்தின் மேல் 70 பயணிகளுடன் ஒரு பேருந்து சிக்கியுள்ளது.

இந்த பேருந்து ஒன்றரை மணி நேரமாக அந்த இடத்தில் நிற்பதாக இன்று (28) பாராளுமன்றத்தில் பாராளுமன்ற உறுப்பினர் அஜித் பி. பெரேரா தெரிவித்தார்.