இலங்கையின் பொருளாதார வளர்ச்சி 4% ஆகக் குறையும்.. பணவீக்கம் 5.2 % ஆக அதிகரிக்கும்.. – ADB எச்சரிக்கை
ஆசிய அபிவிருத்தி வங்கி (ADB) வெளியிட்டுள்ள சமீபத்திய பொருளாதார தரவு பகுப்பாய்வின்படி, இலங்கையின் நிதி மற்றும் வர்த்தகத் துறையில் அடுத்த ஒரு வருடத்தில் சில குறிப்பிடத்தக்க மாற்றங்கள் ஏற்படவுள்ளன.
2026 ஆம் ஆண்டிற்கான ஆசிய அபிவிருத்தி நோக்கு (ADO) ஏப்ரல் மாத அறிக்கையின்படி, 2025 ஆம் ஆண்டில் மறைப் பெறுமானத்தில் (-0.5%) காணப்பட்ட பணவீக்கம், 2026 ஆம் ஆண்டளவில் 5.2% வரை அதிகரிக்கும் என மதிப்பிடப்பட்டுள்ளது.
கடந்த இரண்டு ஆண்டுகளில் (2024 மற்றும் 2025) 5.0% என்ற வலுவான பொருளாதார வளர்ச்சியை இலங்கை வெளிப்படுத்தியிருந்த போதிலும், அடுத்த ஆண்டில் அந்த வேகம் 4.0% என்ற சாதாரண மட்டத்திற்கு குறையும் என எதிர்பார்க்கப்படுகிறது.
பொருளாதார மாற்றத்திற்கான முக்கிய காரணங்கள்:
• எரிசக்தி செலவு: மத்திய கிழக்கு பிராந்தியத்தில் நிலவும் போர்ச் சூழல் காரணமாக எரிபொருள் விலை அதிகரித்துள்ளமை முதன்மைக் காரணமாகும்.
• வர்த்தகம் மற்றும் சுற்றுலா: சர்வதேச வர்த்தகம் மற்றும் சுற்றுலாத் துறைக்கு ஏற்படும் தடைகள் பெரும் தாக்கத்தை ஏற்படுத்தும்.
• வெளிநாட்டு வருமானம்: வெளிநாடுகளில் இருந்து இலங்கைக்கு கிடைக்கும் பணப் பிரேஷணங்கள் (Remittances) குறைவடைவதும் இதற்குப் பின்னடைவாக அமையும்.
இந்த நிலைமை காரணமாக, நாட்டின் குடும்ப வருமான வழிகளுக்கும் நிதி ஸ்திரத்தன்மைக்கும் அழுத்தம் ஏற்படக்கூடும் என்றும், இது மொத்த உள்நாட்டு உற்பத்தியின் (GDP) வளர்ச்சியைப் பாதிக்கும் என்றும் அந்த அறிக்கை மேலும் சுட்டிக்காட்டியுள்ளது.
