Zee News – இலங்கை ஜனாதிபதி அனுரகுமார திஸாநாயக்க, தனது முதல் உத்தியோகபூர்வ இந்தியா பயணத்தில், பிராந்திய அமைதியை உறுதிப்படுத்தும் அதே வேளையில், பிரதமர் நரேந்திர மோடிக்கு முழு ஒத்துழைப்பு வழங்குவதாக உறுதியளித்துள்ளார்.
திஸாநாயக்க, இந்தியா எப்போதுமே இலங்கைக்கு உதவி செய்து வருவதாகவும், இந்தியாவின் வெளியுறவுக் கொள்கையில் இலங்கை தேசம் மிகவும் குறிப்பிடத்தக்க இடத்தைப் பெற்றுள்ளது என்றும் கூறினார்.
பிரதமர் நரேந்திர மோடியுடனான கூட்டறிக்கையில்,
இலங்கை ஜனாதிபதி அனுரகுமார திஸாநாயக்க, “எங்கள் நிலத்தை எந்த வகையிலும் தீங்கு விளைவிக்கும் வகையில் பயன்படுத்த அனுமதிக்க மாட்டோம் என்று நான் இந்திய பிரதமரிடம் உறுதியளித்துள்ளேன்.இந்தியாவின் நலன் கருதி, இந்தியாவுடனான ஒத்துழைப்பு நிச்சயமாக செழிக்கும், மேலும் இந்தியாவுக்கான எங்கள் தொடர் ஆதரவை நான் உறுதிப்படுத்த விரும்புகிறேன்.
இரு நாடுகளுக்கும் தொந்தரவாக மாறியுள்ள மீனவர் பிரச்சினைக்கு நீடித்த மற்றும் நிலையான தீர்வைக் காண இலங்கை விரும்புவதாகவும் திஸாநாயக்க கூறினார். “அந்தப் பகுதியில் உள்ள மீனவர்களால் அடிமட்ட இழுவை முறைகள் பின்பற்றப்படுகின்றன, அதற்கு முற்றுப்புள்ளி வைக்கப்பட வேண்டும், ஏனெனில் அது இந்தத் தொழிலுக்கு அழிவை ஏற்படுத்தும்” என்று கூறினார்.
