தொடர் தோல்விகளை சந்திக்கும் இலங்கை அணி… வெற்றிக்காக காத்திருக்கும் ரசிகர்கள்

இலங்கை மற்றும் நியூசிலாந்து அணிகளுக்கு இடையிலான 2 ஆவது இருபதுக்கு இருபது போட்டியில் நியூசிலாந்து அணி 45 ஓட்டங்களால் வெற்றியீட்டியுள்ளது.

போட்டியின் நாணயசுழற்சியில் வெற்றி பெற்ற இலங்கை அணி முதலில் களத்தடுப்பை தெரிவு செய்தது

இதன்படி முதலில் துடுப்பெடுத்தாடிய நியூசிலாந்து அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகளை இழந்து 186 ஓட்டங்களைப் பெற்றுக்கொண்டது

187 ஓட்டங்களை வெற்றியிலக்காக கொண்டு பதிலுக்குத் துடுப்பெடுத்தாடிய இலங்கை அணி 19.1 ஓவர்கள் நிறைவில் சகல விக்கெட்டுகளையும் இழந்து 141 ஓட்டங்களை மாத்திரமே பெற்று தோல்வியைத் தழுவியது.

நியூசிலாந்து அணி உடனான  முதலாவது போட்டியிலும் இலங்கை அணி தோல்வியை தழுவியது. வெல்லக்கூடிய நல்ல நிலையில் இருந்த குறிப்பிட்ட சென்ற போட்டி  ஒரு சில விக்கெட் இழப்பை அடுத்து எதிர்பாராத விதமாக தோல்விக்கு சென்றது.

இதற்கு முன்னர் இலங்கை அணி  தென்னாபிரிக்க உடனான டெஸ்ட் போட்டிகளிலும் தோல்வியையே தழுவியதால் இலங்கை அணியின் வெற்றி ஒன்றுக்காக ரசிகர்கள் காத்திருக்கிறார்கள்.