ஜனாதிபதியும் அரசாங்கமும் குறுகிய காலத்தில் நாட்டு மக்களை திருப்திப்படுத்தும் வகையில் பணியாற்றியுள்ளனர் – பாராளுமன்ற உறுப்பினர் மஞ்சுல சுரவீரஆராய்ச்சி

ஜனாதிபதியும் தற்போதைய அரசாங்கமும் ஆட்சிக்கு வந்து குறுகிய காலத்திற்குள் நாட்டு மக்கள் திருப்தியடையும் வகையில் பாரிய வேலைத்திட்டங்களை முன்னெடுத்துள்ளதாக நுவரெலியா மாவட்ட பாராளுமன்ற உறுப்பினர் மஞ்சுல சுரவீரஆராய்ச்சி தெரிவித்தார்.

ஹெட்டன் டிக்கோயா நகர சபை எல்லைக்குட்பட்ட தேசிய மக்கள் சக்தியின் வட்டார பிரதிநிதிகள் சந்திப்பு, அஜந்தா மண்டபத்தில் நடைபெற்ற போதே அவர் இதனைத் தெரிவித்தார்.

அங்கு அவர் மேலும் உரையாற்றுகையில்:

“நாம் இப்போது எத்தகைய காலத்தை கடந்து கொண்டிருக்கிறோம்? இது ஒரு இடைமாற்றுக் காலம். பழைய முறையின் பண்புகளும் உள்ள, புதிய முறையை உருவாக்குவதை நோக்கமாகக் கொண்டு அதற்கு ஏற்றவாறு செயற்படும் ஒரு காலம். இதனைத் தெரிந்துகொண்டுதான் நாம் அதிகாரத்தைப் பொறுப்பேற்றோம். பழையவற்றைத் தோற்கடித்து, புதியவற்றை உருவாக்கும் இடைப்பட்ட காலத்தில்தான் நாம் இருக்கிறோம்.

நாம் அதிகாரத்தைப் பொறுப்பேற்று இப்போது ஒரு வருடமும் 6 மாதங்களும் கடந்துவிட்டன. ஜனாதிபதியுடன் இணைந்து அதிகாரத்தைப் பொறுப்பேற்று ஒன்றரை வருடங்கள் முடிந்துவிட்டன. இந்தக் காலப்பகுதி எவ்வாறு அமைந்தது என்பது பற்றி நாம் பேச வேண்டும். நாம் அதிகாரத்தைப் பொறுப்பேற்றபோது நாடு வப்பமிழந்திருந்தது. உலக நாடுகளுடனான உறவு உடைந்திருந்தது. கடன் பொறியில் சிக்கி, சர்வதேச நாணய நிதியத்தின் (IMF) உதவியை மட்டுமே நம்பியிருந்த ஒரு தோல்வியடைந்த அரசையே நாம் பொறுப்பேற்றோம். அதுதான் உண்மை நிலை. அந்தத் தோல்வியடைந்த அரசை கட்டியெழுப்புவதற்காக அதிகாரத்தைப் பொறுப்பேற்று, எமது பாணியில் நாம் பணியாற்றி வருகிறோம்.

ஒரு சமூக மாற்றத்தை ஏற்படுத்துவதற்காகவே நாம் அதிகாரத்தைப் பொறுப்பேற்றோம். அதில் நான்கு விடயங்களை நாம் செய்ய வேண்டியுள்ளது. முதலாவது, நிலவிய அரசியல் கலாசாரத்தை 100% மாற்றுவது. நீங்கள் வாக்களித்தீர்கள், நாம் அதனை உயர் மட்டத்திற்கு கொண்டு வந்தோம். நீண்டகாலமாக சமூகத்தில் நிலவிய எதிர்ப்புக்கு ஒரு தீர்வைத் தேடியே நாம் அதிகாரத்திற்கு வந்தோம். அரசியல்வாதிகளுக்கும் மக்களுக்கும் இடையிலான முதலாவது பிணைப்பு அரசியல் கலாசாரத்தை மாற்றுவதாகும். இப்போது நாம் அதை செய்திருக்கிறோமா இல்லையா? நாம் அதனைச் செய்திருக்கிறோம்.”