அறுகம் குடாவில் சுற்றுலாப் பயணிகளுக்கு பாதுகாப்பு அச்சுறுத்தல் விடுத்தமை தொடர்பில் மாலைத்தீவு பிரஜை உட்பட மொத்தம் ஆறு சந்தேகநபர்கள் இதுவரை கைது செய்யப்பட்டுள்ளதாக பொது பாதுகாப்பு அமைச்சர் விஜித ஹேரத் தெரிவித்துள்ளார்.
அறுகம் குடா பகுதியில் தாக்குதல்கள் நடத்தப்படக் கூடிய சாத்தியக்கூறுகள் மற்றும் கொழும்பில் உள்ள முக்கிய நிதித் தளங்களை புகைப்படம் எடுத்த சம்பவங்கள் தொடர்பில் கிடைத்த புலனாய்வுத் தகவல்களின் அடிப்படையில் சந்தேகநபர்கள் கைது செய்யப்பட்டதாக அமைச்சர் கூறினார்.
“இதுவரை, நாங்கள் ஆறு நபர்களை கைது செய்துள்ளோம். ஒரு மாலைத்தீவு மற்றும் ஐந்து இலங்கையர்கள் காவலில் வைக்கப்பட்டுள்ளனர், விசாரணைகள் தொடர்கின்றன.
இருப்பினும், இது என்ன வகையான திட்டம் அல்லது முயற்சி என்று எங்களால் இன்னும் கூற முடியாது. ஏனெனில் அப்படி ஒரு முடிவுக்கு வர முடியாது. எனவே, கைது செய்யப்பட்ட ஆறு பேரிடம் இருந்து பெறப்பட்ட தகவல்கள், தேவையற்ற தவறான விளக்கங்களைத் தவிர்க்க வேண்டும்.
