இஸ்ரேலின் ஹீப்ரு எழுத்துடன் வியாபார நிலையம்….  பகிரப்பட்ட வீடியோவை அடுத்து, பொத்துவில் அருகம்பேயில்  சிறப்பு விதிமுறைகள் பிறப்பிக்கப்படும் என பொலிஸ் சுற்றுலாப் பிரிவு தெரிவிப்பு

பொத்துவில், அருகம்பேயில் சுற்றுலாப் பயணிகளுக்கு சேவை வழங்கும் நிறுவனங்களுக்கு சிறப்பு விதிமுறைகள் அமல்படுத்தப்பட உள்ளதாக, பொலிஸ் சுற்றுலாப் பிரிவின் பொறுப்பு இயக்குநர், ASP பிரபாத் விதானகம தெரிவித்தார்.

சுற்றுலா விசாவில் நாட்டிற்கு வரும் வெளிநாட்டவர்கள் வணிக நடவடிக்கைகளில் ஈடுபடுவதற்கு கூடுதல் கவனம் செலுத்தப்படும் என்று அவர் கூறினார்.

ஒரு சுற்றுலாப் பயணியால் பகிரப்பட்ட வைரல் வீடியோ, அருகம் பேயில் உள்ள பலகைகள் பெரும்பாலும் ஹீப்ரு மொழியில் எழுதப்பட்டிருப்பதையும், சிங்களம் அல்லது தமிழில் மிகக் குறைவாகவே இருப்பதையும் காட்டி கவலையை ஏற்படுத்தியுள்ளது.

இஸ்ரேலிய பயணிகள் உட்பட அனைத்து சுற்றுலாப் பயணிகளின் பாதுகாப்பு இலங்கையில் தங்கியிருக்கும் போது முன்னுரிமை அளிக்கப்படும் என்று அரசாங்கம் உறுதியளித்துள்ளது.