பகுஜன பலய என்ற பெயரில் புதிய அரசியல் இயக்கம் (கட்சி) ஆரம்பமானது – தேசிய மக்கள் சக்தி அரசாங்கத்தின் குறுகிய பார்வை கொண்ட மற்றும் தவறான செயல்பாடுகள் குறித்து பொதுமக்கள் விழிப்புணர்வை ஏற்படுத்துவதாகவும் தெரிவிப்பு
புதிய அரசியல் இயக்கமான பகுஜன பலய (மக்கள் சக்தி) செவ்வாய்கிழமை அறிமுகப்படுத்தப்பட்டது.
கட்சி எல்லைகளைத் தாண்டி இளம் தலைவர்களை ஒன்றிணைத்து, மக்கள் மையப்படுத்தப்பட்ட ஆட்சியை மேம்படுத்துவதே இதன் நோக்கமாகும்.
நாட்டின் பெரும்பான்மை மக்களைப் பிரதிநிதித்துவப்படுத்தும் பல்வேறு அரசியல் கட்சிகளில் தற்போது செயல்பட்டு வரும் இளம் அரசியல் தலைவர்களைக் கொண்ட குழுவே இந்த முயற்சியை முன்னெடுக்கிறது.
பத்தரமுல்லையில் நடைபெற்ற முதல் ஊடக சந்திப்பில், தற்போதைய தேசிய மக்கள் சக்தி அரசாங்கத்தின் “குறுகிய பார்வை கொண்ட மற்றும் தவறான செயல்பாடுகள்” குறித்து பொதுமக்கள் விழிப்புணர்வை ஏற்படுத்துவதற்கான திட்டங்களை இக்குழு விவரித்தது.
தேசிய சவால்களுக்கு நடைமுறைத் தீர்வுகளை முன்மொழிவோம் என்று ஏற்பாட்டாளர்கள் தெரிவித்தனர்.பேச்சாளர்கள், பஹுஜன பலய இயக்கம் வெளிப்படைத்தன்மை, பொறுப்புக்கூறல் மற்றும் அனைவரையும் உள்ளடக்கிய கொள்கை வகுப்புக்கு முக்கியத்துவம் அளிப்பதாக வலியுறுத்தினர். இலங்கையின் அரசியல் மற்றும் பொருளாதார எதிர்காலத்தை வடிவமைப்பதில் பொதுமக்கள் மேலும் செயலூக்கமான பங்காற்ற வேண்டும் என்று அழைப்பு விடுத்தனர்.
