உலகளாவிய ஊழல் குறியீட்டில் இலங்கை தனது நிலையை மேம்படுத்தியது – பல இடங்கள் முன்னேற்றம் என டிரான்ஸ்பரன்சி இன்டர்நேஷனல் அறிவிப்பு

டிரான்ஸ்பரன்சி இன்டர்நேஷனல் அமைப்பின் 2025ஆம் ஆண்டுக்கான உலகளாவிய ஊழல் குறியீட்டில் இலங்கை தனது நிலையை மேம்படுத்தியுள்ளதுடன், 182 நாடுகளில் 121வது இடத்திலிருந்து 107வது இடத்திற்கு முன்னேறியுள்ளது.

ஊழல் உணர்ச் சுட்டெண் (CPI) என்பது உலகில் மிகவும் பரவலாகப் பயன்படுத்தப்படும் உலகளாவிய ஊழல் தரவரிசையாகும். இது வல்லுநர்கள் மற்றும் வர்த்தகர்களின் கருத்துப்படி, ஒவ்வொரு நாட்டின் பொதுத்துறை எவ்வளவு ஊழல் நிறைந்தது என்று கருதப்படுகிறது என்பதை அளவிடுகிறது.

சமீபத்திய அறிக்கையின்படி, இலங்கை கடந்த ஆண்டு 32 புள்ளிகளுடன் பெற்றிருந்த 121வது இடத்திலிருந்து, 2025இல் 35 புள்ளிகளுடன் 107வது இடத்திற்கு முன்னேறியுள்ளது.
2024ஆம் ஆண்டிலிருந்து புள்ளிகளில் +3 மாற்றத்தை டிரான்ஸ்பரன்சி இன்டர்நேஷனல் அறிக்கை செய்துள்ளது.