முக்கியச் செய்திகள்:
• ஆப்கானிஸ்தான் தலைநகர் காபூலில் உள்ள போதைப்பொருள் மீட்பு மருத்துவமனை ஒன்றின் மீது பாகிஸ்தான் வான்வழித் தாக்குதல் நடத்தியதாக தலிபான் அரசு குற்றம் சாட்டியுள்ளது.
• இந்தத் தாக்குதலில் 400 பேர் கொல்லப்பட்டதாகவும், 250 பேர் காயமடைந்ததாகவும் ஆப்கானிஸ்தான் சுகாதார அமைச்சக செய்தித் தொடர்பாளர் மற்றும் துணை அரசு செய்தித் தொடர்பாளர் தெரிவித்துள்ளனர்.
• பலியானவர்களில் பெரும்பாலானோர் சிகிச்சை பெற்று வந்த நோயாளிகள் என்று தலிபான் செய்தித் தொடர்பாளர் ஜபிஹுல்லா முஜாஹித் தெரிவித்துள்ளார்.
• பாகிஸ்தான் இந்த குற்றச்சாட்டை மறுத்துள்ளது. தங்கள் தாக்குதல்கள் இராணுவ முகாம்கள் மற்றும் தலிபான் பயங்கரவாதிகளின் இடங்களை மட்டுமே குறிவைத்ததாக பாகிஸ்தான் தகவல் அமைச்சகம் தெரிவித்துள்ளது.
• இரு நாடுகளுக்கும் இடையே கடந்த சில வாரங்களாக எல்லைப் பகுதிகளில் பதற்றம் நிலவி வரும் நிலையில் இந்தத் தாக்குதல் நடந்துள்ளது.
• ஆப்கானிஸ்தான் இந்தத் தாக்குதலை “மனிதாபிமானமற்ற செயல்” மற்றும் “குற்றம்” என்று வர்ணித்துள்ளது. அதேசமயம், ஆப்கானிஸ்தான் எல்லைக்குள் இருக்கும் பயங்கரவாதிகள் பாகிஸ்தான் குடிமக்களைத் தாக்குவதாக பாகிஸ்தான் குற்றம் சாட்டுகிறது.
