பாடசாலையில் மாணவர் ஒருவரை சேர்க்க ஒன்றரை இலட்சம் ரூபா இலஞ்சம் கேட்ட குற்றத்தில் பெண் அதிபர் ஒருவர் கைது.

புதிய ராகம பிரதேசத்தில் உள்ள ஆரம்ப பாடசாலை ஒன்றில் புதிய மாணவரை சேர்க்க, 150,000 ரூபா இலஞ்சம் கோரிய குற்றச்சாட்டில் பெண் அதிபர் ஒருவர் கைது செய்யப்பட்டுள்ளார். 

2025 ஆம் ஆண்டு கல்வியாண்டில் தரம் 01 க்கு மாணவர் ஒருவரை இணைத்துக் கொள்வதற்காக, மத்துமகல பிரதேசத்தைச் சேர்ந்த பெண் ஒருவரிடம் அதிபர் இலஞ்சம் கோரியுள்ளதாக இலஞ்ச ஊழல் ஆணைக்குழு தெரிவித்துள்ளது.

பாடசாலை வளாகத்தில் உள்ள அவரது அலுவலகத்தில் வைத்து லஞ்சம் வாங்கும் போது லஞ்ச ஊழல் ஆணைக்குழு அதிகாரிகளால் கைது செய்யப்பட்டார். 

கைது செய்யப்பட்ட பெண் பாடசாலை அதிபரை கொழும்பு நீதவான் நீதிமன்றில் ஆஜர்படுத்தவுள்ளதாக இலஞ்ச ஊழல் ஆணைக்குழு தெரிவித்துள்ளது