சமகி ஜன பலவேகயவின் (SJB) புதிய தலைவராக பாராளுமன்ற உறுப்பினர் இம்தியாஸ் பாக்கீர் மாக்கார் நியமிக்கப்படுவார் என எதிர்பார்க்கப்படுவதாக தினமின பத்திரிகை செய்தி வெளியிட்டுள்ளது.
SJB ஆதாரங்களை மேற்கோள் காட்டி, அவர் அடுத்த பாராளுமன்றத்திற்கு SJB தேசிய பட்டியலிலிருந்து நியமிக்கப்படுவார் என்றும், கட்சியின் தலைவர் என்ற முறையில் தனது பொறுப்புகளில் முழுமையாக ஈடுபட அனுமதிக்கப்படுவார் என்றும் செய்தித்தாள் தெரிவித்துள்ளது.
அனுபவமிக்க அரசியல்வாதியான இம்தியாஸ் பாக்கீர் மார்க்கர் SJB ஐ பிரதிநிதித்துவப்படுத்தும் மிக மூத்த பாராளுமன்ற உறுப்பினர் ஆவார், மேலும் 1988 இல் பேருவளை தேர்தல் தொகுதியிலிருந்து முதன்முதலாக பாராளுமன்றத்திற்கு தேர்ந்தெடுக்கப்பட்டார்.
ரணசிங்க பிரேமதாச அரசாங்கத்தில் வீடமைப்பு மற்றும் நிர்மாண பிரதி அமைச்சராகவும் கடமையாற்றிய இவர், 2002 முதல் 2004 வரை ஐக்கிய தேசியக் கட்சி அரசாங்கத்தில் ஊடகத்துறை அமைச்சராகவும் பணியாற்றியுள்ளார்.
எவ்வாறாயினும், கட்சியின் தலைவர் பதவி தொடர்பாக தொடரப்பட்ட வழக்கில், தற்போதைய SJB தலைவர் பீல்ட் மார்ஷல் சரத் பொன்சேகா, அந்த பதவியில் இருந்து தன்னை நீக்குவதைத் தடுக்கக் கோரி, கொழும்பு மாவட்ட நீதிமன்றத்தில் பெப்ரவரி மாதம் மனுவொன்றை தாக்கல் செய்தார்.
எஸ்.ஜே.பி.யுடன் தனது பிரச்சினைகள் குறித்து குரல் கொடுத்து வந்த பொன்சேகா, கட்சிக்கு எதிராக அவர் தெரிவித்த கருத்துக்கள் தொடர்பாக எஸ்.ஜே.பி கட்சித் தலைவர் பதவியில் இருந்து அவரை நீக்குவதைத் தடுக்கும் தடை உத்தரவைப் பெற்றார்.
