பியுமி மற்றும் விரஞ்சித் தொடர்பிலான விசாரணையின் புதிய அறிக்கையை சமர்ப்பிக்குமாறு கொழும்பு மேலதிக நீதவான் உத்தரவு

பியுமி ஹன்சமாலி மற்றும் அவுரா லங்கா நிறுவனத்தின் தலைவர் விரஞ்சித் தம்புகல ஆகிய இரு மொடல்கள் தொடர்பில் மேற்கொள்ளப்பட்டு வரும் வரிப் பொறுப்பு தொடர்பான விசாரணைகளின் முன்னேற்ற அறிக்கையை வழங்குமாறு கொழும்பு மேலதிக நீதவான் உத்தரவிட்டுள்ளார்.

இதன்படி, இது தொடர்பான அறிக்கையை எதிர்வரும் ஜூலை மாதம் 31ஆம் திகதி நீதிமன்றில் சமர்ப்பிக்குமாறு உள்நாட்டு இறைவரி திணைக்களத்திற்கு கொழும்பு  மேலதிக நீதவான் தரங்க மஹவத்த இன்று (03) உத்தரவிட்டார்.

உள்நாட்டு இறைவரிச் சட்டத்தின் 190ஆவது பிரிவின்படி, மேற்கூறிய இருவரும் வரிச் சட்டம் தொடர்பான குற்றங்களைச் செய்திருக்கிறார்களா என்பதை விசாரிக்க உத்தரவிடுமாறு நீதிமன்றத்தில் தாக்கல் செய்யப்பட்ட வழக்கை உள்நாட்டு இறைவரித் திணைக்களம் நினைவு கூர்ந்த போது நீதவான் இவ்வாறு உத்தரவிட்டார்.

இந்தச் சம்பவம் தொடர்பான ஆவணங்களைச் சரிபார்ப்பதற்காக, மேற்கூறிய இருவரது வீடுகளையும் சோதனையிட நீதிமன்றம் உத்தரவு பெற்றது, ஆனால் சோதனையின் போது, இருவரும் வீடுகளில் இருக்கவில்லை.