பேஸ்புக்கில் சமூக ஆர்வலராக தம்மை இனங்காட்டி நன்கொடை பெற்ற இருவர் கைது

லிட்டில் ஹார்ட்ஸ்’ என்ற போலி கணக்கின் மூலம் சமூக வலைகளில் 2.9 மில்லியன் ரூபா மோசடி செய்ததற்காக சமூக  ஆர்வலர் உட்பட இருவர் கைது செய்யப்பட்டுள்ளனர்.

போலி கணக்கின் மூலம் நன்கொடைகளை வசூலிப்பதன் மூலம் சந்தேக நபர்கள் பொதுமக்களை ஏமாற்றியுள்ளதாக காவல்துறை தெரிவித்துள்ளது.

காவல்துறையின் கணினி குற்றப் புலனாய்வுப் பிரிவின் விசாரணைகளின் விளைவாக நேற்று இரண்டு சந்தேக நபர்களும் கைது செய்யப்பட்டனர்.

கல்பிட்டியில் உள்ள பள்ளிவாசல்துறை பகுதியில் சேனதீரகே துலான் மகேஷித என்ற 28 வயது சமூக ஊடக ஆர்வலர் கைது செய்யப்பட்டார்.

23 வயதுடைய மற்றொரு சந்தேக நபர் நுரைச்சோலை கரம்ப பகுதியில் கைது செய்யப்பட்டார்.

சந்தேக நபர்கள் கொழும்பு தலைமை நீதவான் நீதிமன்றத்தில் ஆஜர்படுத்தப்பட உள்ளனர்.