தேசிய இளைஞர் சேவை மன்றத்தின் பல வேலைத் திட்டங்களுக்காக ஒதுக்கப்பட்டிருந்த 18 கோடி ரூபாவுக்கும் அதிகமான பணத்தை ஜனாதிபதித் தேர்தலில் பிரச்சாரத்திற்காக செலவிடப்பட்டுள்ளது அம்பலம்.

தேசிய இளைஞர் சேவை மன்றத்தின் பல நிகழ்வுகள் மற்றும் வேலைத்திட்டங்களுக்காக ஒதுக்கப்பட்ட 18 கோடி ரூபாவுக்கும் அதிகமான பணம் கடந்த ஜனாதிபதித் தேர்தலில் பிரச்சாரத்திற்காக செலவிடப்பட்டுள்ளதாக பொது விவகாரங்களுக்கான பாராளுமன்ற குழுவில் (கோப்) தகவல் வெளியாகியுள்ளது.

ஜனாதிபதித் தேர்தலுக்கு முந்தைய நாள் தேசிய இளைஞர் சேவை மன்றத்தின் முன்னாள் தலைவரின் கையொப்பத்துடன் இந்தக் காசோலைகள் வழங்கப்பட்டுள்ளதாகவும் தெரியவந்துள்ளது.

தலைவர் வற்புறுத்தியதால் செலவுக்கு உத்தரவாதம் அளித்ததாகவும், அவ்வாறு செய்யாவிட்டால் பணியிட மாற்றம் செய்து விடுவோம் என நினைத்ததாகவும் இளைஞர் சேவை மன்ற அதிகாரிகள் குழுவிடம் தெரிவித்தனர்.

COP குழுவின் தலைவர் கலாநிதி நிஷாந்த சமரவீர, அதிகாரிகளுக்கு வழங்கப்பட்டுள்ள கடமையை சரியாக நிறைவேற்றுமாறு அறிவுறுத்தினார்.

அப்போது, நிதிப் பணிப்பாளர் குழுவில் இருந்தபோதும், கீழ்மட்ட அதிகாரிகள் தங்கள் கருத்துக்களை முன்வைக்கும் போது மௌனமாக இருக்க முயற்சிப்பதன் மூலம் குழு தவறாக வழிநடத்தப்படுவதாக தெரிவிக்கப்பட்டது.

இதனால், தேசிய இளைஞர் சேவை மன்றத்தின் முன்னாள் தலைவரை காப் குழு முன் அழைத்து இது தொடர்பாக விசாரிக்க முடிவு செய்யப்பட்டுள்ளது.

மேலும் பேசிய தேசிய இளைஞர் சேவை மன்றத்தின் அதிகாரிகள், ஜனாதிபதித் தேர்தலுக்கு முந்தைய நாள் திறைசேரியில் இருந்து பத்து கோடி ரூபா பெறப்பட்டதாக சுட்டிக்காட்டினர்.  தலைவரின் செல்வாக்கு காரணமாக இந்த செலவினச் சான்றிதழ்கள் வழங்கப்பட்டு காசோலைகள் செய்ய வேண்டிய நிலை ஏற்பட்டதாகவும் அவர்கள் குறிப்பிட்டுள்ளனர்.

இங்கு உரையாற்றிய கோப் குழுவின் தலைவர் கலாநிதி நிஷாந்த சமரவீர, இது மிகவும் சென்சிட்டிவ் விடயம் என சுட்டிக்காட்டினார்.

தேசிய இளைஞர் சேவை மன்றத்தின் முன்னாள் தலைவர் அரசாங்க உத்தியோகத்தர்களின் செலவில் பணத்தை துஸ்பிரயோகம் செய்துள்ளதாகவும் அவர் குறிப்பிட்டுள்ளார்.