மின்சார வாரிய ஊழியர்களின் கோரிக்கைகளுக்கு அரசாங்கம் திருப்திகரமாக பதிலளிக்கவில்லை என்றால், வரலாற்றில் மிகப்பெரிய வேலைநிறுத்தம் தவிர்க்க முடியாததாகிவிடும் என்று தொழில்நுட்ப வல்லுநர்கள் சங்கத்தின் தலைவர் கோசலை அபேசிங்க எச்சரித்துள்ளார்.
அப்படி நடந்தால், மக்களுக்கு ஏற்படும் சிரமத்திற்கும், அதனால் ஏற்படக்கூடிய பொருளாதார இழப்புகளுக்கும் அரசு முழுப் பொறுப்பேற்க வேண்டும் என்றும் அவர் கூறினார்.
பிரச்சினைகளுக்கு தீர்வுகளை வழங்குவதற்கான வாய்ப்பைத் தவிர்ப்பதன் மூலம் அரசாங்கம் பொறுப்பற்ற அணுகுமுறையை மேற்கொண்டு வருவதாகவும் அவர் கூறினார்.
அரசாங்கம் இன்னும் தொழிற்சங்க நடவடிக்கைக்கு பதிலளிக்காததால், இந்த வார இறுதியில் வழங்க திட்டமிடப்பட்ட சில சேவைகள் பாதிக்கப்படக்கூடும் என்றும் அவர் கூறினார்.
ஊழியர்களின் குறைகளைச் சுட்டிக்காட்டி மின்சாரக் கட்டணத்தை அதிகரிக்க வாரியம் தயாராகி வருவதாகவும், ஊழியர்கள் ஒருபோதும் கட்டண உயர்வைக் கோரவில்லை என்றும், மேலும் எந்தவொரு கட்டண உயர்வையும் மின்சாரத் தொழிற்சங்கங்கள் கடுமையாக எதிர்க்கின்றன என்றும் திரு. கோசல அபேசிங்க தெரிவித்தார்.
