மோட்டார் சைக்கிளும், சைக்கிளும் மோதி விபத்துக்குள்ளானதில் மோட்டார் சைக்கிளில் பயணித்த இளைஞன் உயிரிழப்பு.

மோட்டார் சைக்கிளும் மற்றும் துவிச்சக்கர வண்டியும் மோதி விபத்துக்குள்ளானதில் இளைஞர் ஒருவர் உயிரிழந்துள்ளதுடன் மூவர் படுகாயமடைந்துள்ளனர்.

வெல்லவாய மொனராகலை பிரதான வீதியில் புத்தல பொலிஸ் பிரிவுக்குட்பட்ட பெல்வத்த பிரதேசத்தில் இந்த விபத்து இடம்பெற்றுள்ளது.

விபத்தில் மோட்டார் சைக்கிளில் பயணித்த 23 வயதுடைய நபரே உயிரிழந்துள்ளார்.

விபத்தின் போது மோட்டார் சைக்கிளிலும் மற்றும் துவிச்சக்கர வண்டியிலும் இருவர் பயணித்துள்ளனர்.

காயமடைந்தவர்கள் புத்தல பிரதேச வைத்தியசாலையில் அனுமதிக்கப்பட்டதுடன், ஆபத்தான நிலையில் உள்ள துவிச்சக்கர வண்டியில் பயணித்த இருவரும் மேலதிக சிகிச்சைக்காக மொனராகலை மாவட்ட பொது வைத்தியசாலைக்கு மாற்றப்பட்டுள்ளனர்.

விபத்து தொடர்பான விசாரணைகளை புத்தள பொலிஸார் மேற்கொண்டு வருகின்றனர்.