தமிழக சட்டமன்றத் தேர்தலில் விஜய்யின் தமிழக வெற்றி கழகம் வெற்றி பெற்றதை அடுத்து புசல்லாவையில் கொண்டாடிய மக்கள்

தமிழக சட்டமன்றத் தேர்தலில் தமிழக வெற்றி கழகம் (த.வெ.க) ஈட்டிய வரலாற்றுச் சிறப்புமிக்க வெற்றியைத் தொடர்ந்து,  புசல்லாவை பகுதியில் விஜய் ரசிகர்கள் உற்சாகமாகக் கொண்டாட்டங்களில் ஈடுபட்டனர்.

புசல்லாவை விஜய் TVK ரசிகர் மன்றத்தினர் ஒருங்கிணைந்து இந்த வெற்றிக் கொண்டாட்டத்தை முன்னெடுத்தனர்.

தமிழக முதல்வராக விஜய் அவர்கள் அரியணை ஏறுவதை முன்னிட்டு, ரசிகர்கள் பட்டாசுகளை வெடித்தும், பொதுமக்களுக்கு இனிப்புகளை வழங்கியும் தங்களது மகிழ்ச்சியைப் பகிர்ந்து கொண்டனர்.

 “மாற்றத்தை உருவாக்கப் போகும் தளபதி” என தவெக கொடிகளை ஏந்தியபடி ரசிகர்கள் எழுப்பிய முழக்கங்கள் புசல்லாவை நகரத்தையே அதிர வைத்தன.

தமிழகத்தில் ஒரு புதிய அரசியல் மாற்றத்தை விதைத்துள்ள விஜய்யின் இந்த வெற்றி, தமிழ்நாட்டைத் தாண்டி இலங்கை உள்ளிட்ட புலம்பெயர் தமிழர்கள் மத்தியிலும் பெரும் வரவேற்பைப் பெற்றுள்ளது என்பதை இந்த நிகழ்வு உறுதிப்படுத்தியுள்ளது.

தமிழகத்தில் ஆட்சிப் பொறுப்பை ஏற்கும் விஜய்க்கு, புசல்லாவை ரசிகர்கள் தங்களது வாழ்த்துகளைத் தெரிவித்துக் கொண்டனர்.