என்னம்மா.. என்ன ஆச்சி? சமகி ஜன பலவேகய வேட்பாளர் பட்டியலில் இருந்து நடிகை தமிதா அபேரத்னவின் பெயர் நீக்கப்பட்டது
2024 பொதுத் தேர்தலுக்கான சமகி ஜன பலவேகய (SJB) சார்பில் இரத்தினபுரி மாவட்டத்தில் போட்டியிடுவார் என எதிர்பார்க்கப்பட்ட பிரபல நடிகை தமிதா அபேரத்னவின் பெயர் வேட்பாளர் பட்டியலில் இல்லை என தகவல் வெளியாகியுள்ளது.
இந்த வாரம் தமிதா அபேரத்னவின் வேட்புமனு உறுதிசெய்யப்பட்ட நிலையில், அந்தப் பட்டியலில் இருந்து தமிதா அபேரத்னவின் பெயர் ஏன் விலக்கப்பட்டுள்ளது என்பது தெளிவாகத் தெரியவில்லை. எவ்வாறாயினும், SJB மாவட்ட செயலகத்தில் சமர்ப்பிக்கப்பட்ட இறுதி வேட்பாளர்கள் பட்டியலில் இவரின் பெயர் இல்லை.
தமித்தா அபேரத்ன, SJB இன் தீவிர ஆதரவாளராகவும் குரல் கொடுப்பவராகவும் இருந்து வரும் செவ்வாய்க்கிழமை வேட்பு மனுவில் கையொப்பமிட்டார். இன்று இரத்தினபுரி மாவட்ட செயலகத்திற்கு வந்த பின்னரே நடிகை தனது பெயர் நீக்கப்பட்டதை அறிந்தார்.
தமிதா அபேரத்னவின் பெயர் நீக்கப்பட்டமை தொடர்பில் கருத்து தெரிவித்த SJB இரத்தினபுரி மாவட்ட தலைவர் ஹேஷா விதானகே, இரத்தினபுரி மாவட்ட உறுப்பினர்கள் அவரது பெயரை உள்ளடக்குவதில்லை என தீர்மானித்துள்ளதாக தெரிவித்தார்.
தமித அபேரத்ன SJB கட்சிக்கு முக்கிய பங்களிப்பை வழங்கியிருந்தாலும், தேர்தலில் எங்கள் மாவட்டத்திற்கு வெளியில் இருந்து ஒரு வேட்பாளரை நிறுத்த விரும்பவில்லை என்று நாங்கள் முடிவு செய்தோம், என்று அவர் கூறினார்.
