ஈரானிய இலக்குகள் மீது தாக்குதல் நடத்த அமெரிக்கா முதன்முறையாக B-1B லான்சர் குண்டுவீச்சு விமானங்களைப் பயன்படுத்துகிறது…
தற்போதைய பிராந்திய நெருக்கடிக்கு மத்தியில், ஈரானில் உள்ள இராணுவ இலக்குகள் மீது வான்வழித் தாக்குதல்களை நடத்துவதற்காக அமெரிக்க விமானப்படை முதன்முறையாக தனது B-1B Lancer வகை மூலோபாயக் குண்டுவீச்சு விமானங்களை ஈடுபடுத்தியுள்ளதாகத் தெரிவிக்கப்பட்டுள்ளது.
வெளிநாட்டு ஊடக அறிக்கைகளின்படி, ஐக்கிய இராச்சியத்தில் (UK) அமைந்துள்ள ‘RAF Fairford’ விமான நிலையத்திலிருந்து இந்த விமானங்கள் நடவடிக்கைகளுக்காகப் புறப்பட்டுள்ளன.
ஈரானின் கடற்கரைக்குட்பட்ட இராணுவ உள்கட்டமைப்புகள், ரேடார் அமைப்புகள், ஏவுகணைச் சேமிப்பு இடங்கள் மற்றும் ட்ரோன் தொடர்பான மையங்களை இலக்காகக் கொண்டு இந்த நீண்ட தூரத் தாக்குதல் நடவடிக்கைகள் தொடங்கப்பட்டுள்ளதாகக் குறிப்பிடப்பட்டுள்ளது.
பாரிய அளவிலான ஆயுதங்களை ஏற்றிச் செல்லும் திறன் கொண்ட B-1B லான்சர் விமானங்கள், அமெரிக்க இராணுவத்திடம் உள்ள வலிமையான நீண்ட தூரக் குண்டுவீச்சு விமான வகைகளில் ஒன்றாகும்.
இந்த விமானங்களை நேரடியாக நடவடிக்கைகளில் ஈடுபடுத்துவது அமெரிக்காவின் வான்வழித் தாக்குதல்களின் வளர்ச்சியையும், பிராந்திய இராணுவ நிலைமை தீர்க்கமான முறையில் தீவிரமடைந்துள்ளதையும் குறிப்பதாகப் பாதுகாப்பு ஆய்வாளர்கள் சுட்டிக்காட்டுகின்றனர்.
இராணுவ இலக்குகள் மீது தொடர்ச்சியாகத் தாக்குதல்கள் நடத்தப்படும் என அமெரிக்க அதிகாரிகள் உறுதிப்படுத்தியுள்ள போதிலும், இந்த நடவடிக்கைகள் தொடர்பான விரிவான தகவல்கள் இதுவரை அதிகாரப்பூர்வமாக வெளியிடப்படவில்லை.
