ஜனாதிபதி அனுர குமார திசாநாயக்க தலைமையில் பொலன்னறுவையில் நடைபெற்ற தேசிய மக்கள் சக்தியின் (மாலிமாவ) பிரம்மாண்ட விவசாயப் பேரணியில், அக்கட்சியின் முக்கிய விவசாயத் தலைவர்களான விவசாய அமைச்சர் கே.டி. லால் காந்த மற்றும் விவசாய பிரதி அமைச்சர் நாமல் கருணாரத்ன ஆகியோர் கலந்து கொள்ளாதது குறித்து சமூக வலைத்தளங்களில் விவாதம் உருவாகியுள்ளது.
நாட்டின் விவசாயத் துறைக்கு நேரடியாகப் பொறுப்பான பாடப் பொறுப்புடைய அமைச்சர் மற்றும் பிரதி அமைச்சர் என்ற ரீதியில், அரசாங்கத்தின் தலைமையில் ஏற்பாடு செய்யப்பட்ட இவ்வாறானதொரு முக்கிய விவசாய மாநாட்டில் அவர்கள் இருவரும் கலந்து கொள்ளாதது ஒரு குறிப்பிடத்தக்க நிகழ்வு என அரசியல் ஆய்வாளர்கள் சுட்டிக்காட்டுகின்றனர்.
கடந்த காலங்களில் நெல் விலை தீர்மானித்தல், உர மானியம் வழங்குதல் உள்ளிட்ட பல விவசாயப் பிரச்சினைகளை மையமாகக் கொண்டு நாட்டின் பல பகுதிகளிலும் உள்ள விவசாய அமைப்புகளினால் இவ்விரு அமைச்சர்களுக்கும் எதிராக கடும் எதிர்ப்புகளும் விமர்சனங்களும் முன்வைக்கப்பட்டிருந்தமை குறிப்பிடத்தக்கது.
