அவுஸ்திரேலிய உயர்ஸ்தானிகராலயம் மற்றும் MDF பிரதிநிதிகள் Sassrika Lanka நிறுவனத்திற்கு விஜயம்
எம்பிலிப்பிட்டியவில் அமைந்துள்ள Sassrika Lanka நிறுவனத்தின் ஆக்கவுரிமை
பெற்ற Bio Super Phosphate (BSP) உற்பத்தி நிலையத்திற்கு, அவுஸ்திரேலிய உயர்ஸ்தானிகராலயம் மற்றும் Market Development Facility (MDF) பிரதிநிதிகள் அண்மையில் மேற்கொண்ட விஜயத்தின் சில சிறப்பான தருணங்களைப் பகிர்ந்து கொள்வதில் நாம் மகிழ்ச்சியடைகிறோம்.
இந்த விஜயத்தில் அவுஸ்திரேலிய உயர்ஸ்தானிகர் மேதகு Matthew Duckworth, உயர்ஸ்தானிகரின் முதலாம் செயலாளர் Zoe Kid, DFAT நிகழ்ச்சித் திட்ட முகாமையாளர் Sivasuthan, MDF இலங்கைக்கான பணிப்பாளர் Maryam Piracha மற்றும் MDF வணிக ஆலோசகர் Vasundara Kalansuriya ஆகியோரை வரவேற்றமை எமக்குப் பெருமையளித்தது.
Sassrika Lanka நிறுவனத்தின் ஸ்தாபகரும் முகாமைத்துவப் பணிப்பாளருமான கலாநிதி Thulitha Ranwala, பொது முகாமையாளர் Isuru Nirmana, வணிக ஆலோசகர் Asitha Mendis, தொழிற்சாலை கணக்காளர் Madushika, தொழிற்சாலை ஊழியர்களைப் பிரதிநிதித்துவப்படுத்திய Chandani மற்றும் Sassrika Lanka குழுவினர் இணைந்து பிரதிநிதிகள் குழுவை அன்புடன் வரவேற்றனர்.
உள்நாட்டு ஆராய்ச்சி முதல் ஆக்கவுரிமை பெற்ற புத்தாக்கத்திலிருந்து பெறுமதி சேர்க்கப்பட்ட உர உற்பத்தி மற்றும் விவசாயிகளிடையே அதிகரித்து வரும் பயன்பாடு வரையான எமது பயணத்தை எடுத்துக்காட்டுவதற்கான சிறந்த வாய்ப்பாக இந்த விஜயம் அமைந்தது.
மேலும், Bio Super Phosphate உற்பத்தி செய்யப்படும் செயன்முறையை நேரடியாகப் பார்வையிடுவதற்கும், இலங்கையில் உருவாக்கப்பட்ட இந்தப் புத்தாக்கத்தை மேலும் விரிவுபடுத்தி நாட்டின் விவசாயத் துறைக்கு அதிகளவில் கொண்டு செல்லும் எமது எதிர்கால நோக்கம் குறித்து கலந்துரையாடுவதற்கும் பிரதிநிதிகள் குழுவிற்கு வாய்ப்பு கிடைத்தது.
Sassrika Lanka நிறுவனத்தின் சந்தை அபிவிருத்திப் பயணத்திற்கு வழங்கிய பங்களிப்பிற்காக அவுஸ்திரேலிய அரசாங்கத்திற்கும் MDF நிறுவனத்திற்கும் எமது மனமார்ந்த நன்றியைத் தெரிவித்துக் கொள்கிறோம். குறிப்பாக விவசாயிகளுடனான தொடர்புகளை வலுப்படுத்துதல், சந்தை உறுதிப்படுத்தல், விநியோகம் மற்றும் வர்த்தகமயமாக்கல் ஆகிய துறைகளில் வழங்கப்பட்ட ஆதரவு எமது பயணத்தை மேலும் வலுப்படுத்தியுள்ளது.
Dr Thulitha Ranwala மற்றும் Sassrika Lanka குழுவினருக்கு, இந்த விஜயம் எமது பயணத்தின் மற்றுமொரு முக்கிய மைல்கல்லாகும்.
எளிமையாக, ஆனால் இலட்சிய நோக்கத்துடன் ஆரம்பமான இந்தப் பயணமானது இலங்கையின் அறிவையும் வளங்களையும் பயன்படுத்தி, இலங்கையின் விவசாயத் துறைக்கான நிலைபேறான தீர்வுகளை உருவாக்க வழி வகுக்கின்றது .
இந்தக் கூட்டாண்மையை மேலும் வலுப்படுத்தி, உள்நாட்டு புத்தாக்கத்தை தேசிய அளவில் அதிக தாக்கத்தை ஏற்படுத்தக்கூடிய தீர்வாக முன்னெடுத்துச் செல்வதற்கு நாம் எதிர்பார்க்கிறோம். 🇱🇰🤝🇦🇺
🌱🌏 நமது பிரபஞ்சத்தின் நல்வாழ்விற்காக ஒன்றிணைவோமாக!
