கடந்த கால தன்னிச்சையான மற்றும் கொள்ளைகளால் நிறைந்த உயரடுக்கு அரசியல் கலாச்சாரத்தை முழுமையாக முடிவுக்குக் கொண்டுவந்து, மேம்பாட்டுத் திட்டங்களிலிருந்து ஒரு ரூபாய் கூட யாருடைய (பைக்குகளுக்கும்) செல்லாத புதிய அரசியல் மாற்றத்தை நாட்டில் நிலைநிறுத்தியுள்ளதாக பிரதி அமைச்சர் கௌசல்யா ஆரியரத்ன தெரிவித்தார்.
பிராந்தியத்தில் அபிவிருத்தித் திட்டம் ஒன்றினை ஆரம்பித்து வைக்கும் நிகழ்வில் கலந்துகொண்டு உரையாற்றிய அவர், தற்போது நடைமுறையில் உள்ள இந்தத் தூய்மையான ஆட்சி முறை பொதுமக்களுக்கு சாதாரணமாகத் தோன்றினாலும், இது பல தசாப்தங்களாக வேரூன்றியிருந்த மாபெரும் நிதி மோசடிகள் மற்றும் ஊழல் நிறைந்த கமிஷன் பெறும் முறையைத் தகர்த்தெறிந்த ஒரு வரலாற்றுச் சிறப்புமிக்க நடவடிக்கை சுட்டிக்காட்டினார்.
கடந்த வருடங்களுடன் ஒப்பிடும்போது இம்முறை வரவு செலவுத் திட்டத்தில் அபிவிருத்திப் பணிகளுக்காக பெருமளவான நிதி ஒதுக்கப்பட்டுள்ளதாகக் குறிப்பிட்ட பிரதி அமைச்சர், அரச கருவூலத்திற்கு கிடைக்கும் வரிப் பணம் அதிகபட்ச நிதி ஒழுக்காற்றுடனும் வெளிப்படைத்தன்மையுடனும் நேரடியாக அடிமட்ட மக்களின் தேவைகளுக்காக முதலீடு செய்யப்படுமெனவும் தெரிவித்தார்.
நகர உள்கட்டமைப்பு மேம்பாடு, பொதுப் போக்குவரத்தை வினைத்திறனாக்குதல், ஆரம்ப சுகாதார சேவைகளை விரிவுபடுத்துதல் மற்றும் கல்விச் சீர்திருத்தச் செயற்பாடுகள் என்பன ஏற்கனவே துரிதப்படுத்தப்பட்டுள்ளதுடன், நாட்டின் எதிர்கால சந்ததியை அழிக்கும் போதைப்பொருள் வர்த்தகம் மற்றும் பாதாள உலக நடவடிக்கைகளை வேரறுப்பதற்கான மாபெரும் நடவடிக்கையும் அரசாங்கத்தால் முன்னெடுக்கப்பட்டு வருவதாக அவர் மேலும் தெரிவித்தார்.
