பட்டலந்த வதை முகாம் தொடர்பில் ரணில் விக்ரமசிங்க உட்பட பொறுப்பான அனைவருக்கும் எதிராக சட்டரீதியான நடவடிக்கைகள் மேற்கொள்ளப்படும் ; பிமல்
பட்டலந்த கமிஷன் அறிக்கை மீதான விவாதத்தில் அமைச்சர் பிமல் ரத்நாயக்கவின் கருத்து
பட்டளந்த வதை முகாம்களுக்கு பொறுப்பானவர்களுக்கு எதிராக, முன்னாள் ஜனாதிபதி ரணில் விக்ரமசிங்க உட்பட, சட்டரீதியான நடவடிக்கைகள் மேற்கொள்ளப்படும் என அமைச்சர் பிமல் ரத்நாயக்க தெரிவித்தார். தேவைப்பட்டால், சர்வதேச உதவியுடனும் இந்த நடவடிக்கைகள் முன்னெடுக்கப்படும் என்று அவர் கூறினார்.
பட்டளந்த கமிஷன் அறிக்கை மீதான பாராளுமன்ற விவாதத்தின் முதல் நாளில் கலந்துகொண்டு உரையாற்றிய அமைச்சர், “ரணில் விக்ரமசிங்கவை அவரது செயல்களுக்கு பொறுப்புக்கூற வைப்பதற்கு சட்டத்திற்கு உட்பட்ட அனைத்து விசாரணைகளையும் மேற்கொள்வோம். இந்தக் கொலையாளிகள் தங்கள் வாழ்க்கையின் பிற்பகுதியிலாவது தண்டிக்கப்படுவார்கள் என்பதை உறுதிப்படுத்துவோம்,” என்று திட்டவட்டமாகக் கூறினார்.
பட்டளந்த வதை முகாம்கள் தொடர்பான குற்றச்சாட்டுகள் நீண்ட காலமாக விவாதிக்கப்பட்டு வரும் நிலையில், இந்த அறிக்கை மீதான விவாதம் குறிப்பிடத்தக்க கவனத்தை ஈர்த்துள்ளது.
