பாதசாரி கடவைகளை இரவில் ஒளிரச் செய்யும் திட்டம் – வீதி அபிவிருத்தி அதிகார சபை
வீதி அபிவிருத்தி அதிகார சபை (RDA) பாதசாரி கடவைகளை இரவு வேளைகளில் ஒளிரச் செய்யும் திட்டத்தை ஆரம்பித்துள்ளது. இதன் முதற்கட்டமாக, ஆபத்தான இடங்களில் அமைந்துள்ள பாதசாரி கடவைகளை ஒளிரச் செய்ய நடவடிக்கை எடுக்கப்படும் என RDA இன் பாதுகாப்பு மற்றும் போக்குவரத்து முகாமைத்துவ பிரதி பணிப்பாளர் நாயகம் கே. சந்திரகுமார தெரிவித்தார்.
இந்தத் திட்டத்திற்கு சூரிய மின்சக்தி பலகைகள் பயன்படுத்தப்படவுள்ளதாக அவர் கூறினார். இதனால், இரவு நேரங்களில் பாதசாரிகள் கடவைகளைப் பயன்படுத்தும் போது வாகன ஓட்டிகளுக்கு தெளிவாகத் தெரியும், இது விபத்துக்களைக் குறைக்க உதவும் என்றும் அவர் சுட்டிக்காட்டினார்.
குருநாகல், காலி மற்றும் கொழும்பு மாவட்டங்களில் ஏற்கனவே 140 பாதசாரி கடவைகள் ஒளிரச் செய்யப்பட்டுள்ளதாக RDA அதிகாரி வெளிப்படுத்தினார்.
ஒவ்வொரு ஆண்டும் பாதசாரி கடவைகளில் ஏற்படும் விபத்துக்களால் பலர் உயிரிழப்பதால், இந்தத் திட்டம் முக்கியமானதாக அமைந்துள்ளது.
