ஈரானின் Fordow அணு நிலையம் உள்ளிட்ட சில அணு நிலையங்களை தாக்கி அளித்ததாக ட்ரம்ப் தெரிவித்ததும், அமெரிக்க தாக்குதலுக்கு முன்பே இந்த தளங்கள் வெறுமையாக்கப்பட்டதாக தெரிவிக்கும் ஈரான் அதிகாரிகளும்

அமெரிக்கா ஈரானின் ஃபோர்டோ தளத்தை ஆறு பங்கர் பஸ்டர் குண்டுகளால் தாக்கியது என அமெரிக்க தரப்பு  அறிக்கை

ஃபாக்ஸ் நியூஸ் தொகுப்பாளர் சீன் ஹன்னிட்டி, அமெரிக்கா ஈரானின் அணு ஆயுத தளங்களை தாக்கிய பின்னர் டிரம்புடன் பேசியதாகவும், அமெரிக்க படைகள் ஃபோர்டோ தளத்தில் “ஆறு மிகப்பெரிய பங்கர் பஸ்டர் குண்டுகளை” பயன்படுத்தியதாகவும் தெரிவித்தார்.

இந்த குண்டுகள் அமெரிக்காவின் B-52 குண்டுவீச்சு விமானங்களால் வீசப்பட்டதாக அவர் கூறினார்.

மேலும், ஈரானின் நடன்ஸ் மற்றும் இஸ்ஃபஹான் அணு ஆயுத தளங்கள் “400 மைல்கள் தொலைவில் இருந்து அமெரிக்க நீர்மூழ்கிக் கப்பல்களால் ஏவப்பட்ட 30 டோமஹாக் ஏவுகணைகளால் முற்றிலும் அழிக்கப்பட்டன” என்றும் ஹன்னிட்டி தெரிவித்தார்.

ஈரான் அதிகாரிகள், அமெரிக்க தாக்குதலுக்கு முன்பு இந்த தளங்கள் வெறுமையாக்கப்பட்டதாகவும், ஃபோர்டோவில் ஏற்பட்ட பாதிப்பு தீவிரமானது இல்லை என்றும் ஒரு ஈரான் சட்டமன்ற உறுப்பினர் கூறியதாக தெரிவித்தனர்.

ஈரான் அணு உலைகள் மீதான அமெரிக்க தாக்குதல்கள்: IAEA விசாரணை கோரி ஈரான் வலியுறுத்தல்

ஈரான், தனது அணு உலைகள் மீது அமெரிக்கா நடத்திய தாக்குதல்கள் குறித்து சர்வதேச அணு ஆயுத தடுப்பு அமைப்பு (IAEA) விசாரணை நடத்த வேண்டும் எனக் கோரியுள்ளது.

ஈரானின் அணு ஆற்றல் தலைவர் முகம்மது இஸ்லாமி, IAEA தலைவர் ரஃபேல் கிராஸிக்கு எழுதிய கடிதத்தில் இதனைத் தெரிவித்ததாக ஈரானின் SNN செய்தி நிறுவனம் தெரிவித்துள்ளது.
இஸ்லாமி, அமெரிக்காவின் இந்த செயலை கிராஸி கண்டிக்க வேண்டும் உள்ளிட்டு, உரிய நடவடிக்கைகளை எடுக்க வேண்டும் என வலியுறுத்தியுள்ளார்.

கிராஸியின் “நடவடிக்கையின்மை மற்றும் துணைபுரிதல்” ஆகியவற்றை விமர்சித்த அவர், ஈரான் “பொருத்தமான சட்ட நடவடிக்கைகளை” மேற்கொள்ளும் என்று கூறியுள்ளார்.

“இந்தக் கடிதம், சர்வதேச சட்டங்கள் மற்றும் விதிமுறைகள், குறிப்பாக அணு ஆயுத பரவல் தடை ஒப்பந்தத்தை மீறியதற்கு எதிரான எங்கள் எதிர்ப்பை வெளிப்படுத்துகிறது,” என்று அதில் குறிப்பிடப்பட்டுள்ளது.

முன்னதாக, அமெரிக்க வான்வழித் தாக்குதல்களைத் தொடர்ந்து, IAEA-வின் 35 நாடுகள் கொண்ட ஆளுநர் குழுவின் அவசரக் கூட்டத்தைக் கூட்டுவதாக கிராஸி அறிவித்திருந்தார்.