தடை செய்யப்பட்ட வெடி பொருட்களை ஏற்றிச்சென்ற லொரி ஹபரணை – திருகோணமலை பிரதான வீதியில் பொலிஸாரால் கைப்பற்றப் பட்டது

ஹபரணை – திருகோணமலை பிரதான வீதியில் வெடிபொருட்களை ஏற்றிச் சென்ற லொறி ஒன்று கைப்பற்றப்பட்டுள்ளது.



ஹபரணை கோட்டை பொலிஸார் திருகோணமலை பிரதான வீதியில் குறித்த லொறியை நிறுத்தி சோதனை செய்தபோது, சாரதி இருக்கைக்கு அருகிலுள்ள டேஷ்போர்டுக்கு அடியில் C4 எனப்படும் இந்த அதிக வெடிபொருள் கொண்ட பொடி அடங்கிய பையை கண்டுபிடித்ததாக பொலிஸார் தெரிவித்தனர்.



பொலிஸார் காவலில் எடுத்த இந்த வெடிபொருள் பொடியின் எடை 156.07 கிராம் என்றும், குறித்த வெடிபொருள் பொடியை கொண்டு சென்றதாகக் கூறப்படும் லொறியின் சாரதியை பொலிஸார் கைது செய்துள்ளதாகவும் பொலிஸார் தெரிவித்தனர்.



இது ஒரு வெடிபொருள் பொடி என்றும், இந்த வெடிபொருளை கொண்டு செல்வது கடுமையாக தடைசெய்யப்பட்டுள்ளது என்றும் பொலிஸார் தெரிவித்தனர்.



விசாரணையின் போது, இந்த வெடிபொருள் பொடி கந்தளாய் பகுதியிலிருந்து தெற்கு பகுதிக்கு கொண்டு செல்ல திட்டமிடப்பட்டிருந்ததாக தெரியவந்துள்ளது.



அதன்படி, ஹபரணை பொலிஸார் அந்த பகுதிக்கு வெடிபொருட்களை கொண்டு சென்றதன் நோக்கம் குறித்து விசாரணையையும் தொடங்கியுள்ளனர்.



சந்தேக நபரையும் லொறியையும் இன்று பகமுன சுற்றுலா நீதவான் நீதிமன்றத்தில் ஆஜர்படுத்த திட்டமிடப்பட்டுள்ளது