VIDEO > விபத்தை அடுத்து பாடசாலை பேருந்து ஓட்டுநரை தாக்கிய மூன்று ஆண்கள் மற்றும் ஒரு பெண் கைது. #கண்டி
கண்டி பொலிஸாரால் மூன்று ஆண்கள் மற்றும் ஒரு பெண் கைது: பாடசாலை பேருந்து ஓட்டுநரை தாக்கிய சம்பவம்
கண்டி, ஹந்தான பகுதியில் ஜூலை 25 ஆம் தேதி பாடசாலை பேருந்து ஓட்டுநரை தாக்கிய சம்பவம் தொடர்பாக கண்டி பொலிஸாரால் மூன்று ஆண்கள் மற்றும் ஒரு பெண் கைது செய்யப்பட்டுள்ளனர்.
கைது செய்யப்பட்டவர்கள் 21, 26, 27 மற்றும் 38 வயதுடையவர்கள் என்பதுடன், அவர்கள் கண்டி பகுதியைச் சேர்ந்தவர்கள் ஆவர்.
அனுராதபுரத்தில் இருந்து ஹந்தானவுக்கு பாடசாலை மாணவர்களை ஏற்றிச் சென்ற தனியார் பேருந்து ஒரு முச்சக்கர வண்டியுடன் மோதியதை அடுத்து இந்த சம்பவம் நிகழ்ந்துள்ளது.
விபத்தைத் தொடர்ந்து, ஒரு குழுவினர் பேருந்து ஓட்டுநரை தாக்கியதாக கூறப்படுகிறது. பேருந்தில் இருந்த ஆசிரியர்களும் பெற்றோர்களும் தாக்குதலை தடுக்க முயன்ற போதிலும், இந்த தாக்குதல் நடைபெற்றது.
காயமடைந்த ஓட்டுநர் பின்னர் வைத்தியசாலையில் அனுமதிக்கப்பட்டார்.
கைது செய்யப்பட்டவர்கள் நேற்று (26) கண்டி நீதவான் நீதிமன்றத்தில் முன்னிலைப்படுத்தப்பட்டனர். இதில் பெண் சந்தேகநபர் பிணையில் விடுவிக்கப்பட்டார், மூன்று ஆண் சந்தேகநபர்கள் ஜூலை 28 ஆம் தேதி வரை விளக்கமறியலில் வைக்கப்பட்டுள்ளனர்.
கண்டி பொலிஸார் மேலதிக விசாரணைகளை மேற்கொண்டு வருகின்றனர்.
