தபால் ஊழியர்களின் வேலைநிறுத்தம் குறித்து பொய்யான தகவல்களை அமைச்சரும் அதிகாரிகளும் பரப்புகிறார்கள் என தபால் ஊழியர் ஒருவர் மேலாடை இன்றி குற்றம் சாட்டினார்.

தபால் அமைச்சர் உள்ளிட்ட அதிகாரிகள், நடைபெற்று வரும் தபால் ஊழியர்களின் வேலைநிறுத்தம் குறித்து பொய்யான தகவல்களை பரப்புவதாக தபால் ஊழியர் ஒருவர் குற்றம் சாட்டியுள்ளார்.

ஊடகங்களிடம் பேசிய அந்த ஊழியர், தங்களுக்கு போதுமான சம்பளம் மற்றும் படிகள் வழங்கப்படாததால் வேலைநிறுத்தத்தை ஆரம்பித்ததாக தெரிவித்தார்.

“எங்கள் சீருடை படியை உயர்த்த வேண்டும் என்று கோரியுள்ளோம். மிதிவண்டி படியை அதிகரிக்க வேண்டும் என்றும், ஊழியர்களின் ஒப்பந்தங்களை நிரந்தரமாக்க வேண்டும் என்றும் கேட்டுள்ளோம்.

ஆனால், அவர்கள் கைரேகை பதிவு மற்றும் கூடுதல் நேர வேலை பற்றி மட்டுமே பேசுகின்றனர்,” என்று அவர் கூறினார்.

சீருடைகள் தைப்பதற்கு 600 ரூபாயும், மிதிவண்டி படியாக 250 ரூபாயும் வழங்கப்படுவது போதுமானதா என அவர் கேள்வி எழுப்பினார்.மேலும், தபால் தொழிற்சங்கங்களின் தொடர் வேலைநிறுத்தம் குறித்து அதிகாரிகள் தவறான தகவல்களை பரப்புவதாகவும் அவர் குற்றம் சாட்டினார்.

கடந்த ஞாயிற்றுக்கிழமை (17) ஆரம்பமான இந்த வேலைநிறுத்தம், 19 முக்கிய கோரிக்கைகளை அடிப்படையாகக் கொண்டது. நேற்று ஜனாதிபதி செயலகத்தில் நடைபெற்ற பேச்சுவார்த்தைக்கு பின்னரும், தபால் தொழிற்சங்கங்கள் வேலைநிறுத்தத்தை தொடர்ந்து முன்னெடுப்பதாக அறிவித்துள்ளன.