வெள்ளவத்தையில் சென்ற வாரம் அதிகாலையில் பெண் ஒருவரை கூரிய ஆயுதத்தால் மிரட்டி பணம் பொருள், நகையை கொள்ளையடித்து சென்றவர்களை 500 CCTV க்களை ஆய்வு செய்து கைது செய்த பொலிஸார்
வெள்ளவத்தையில் ஆகஸ்ட் 15 ஆம் தேதி அதிகாலை 4.25 மணியளவில் நடந்த துணிகரமான திருட்டு சம்பவம் ஒன்றில், பெண் மருத்துவர் ஒருவர் கூரிய ஆயுதத்தால் மிரட்டப்பட்டு, அவரது கைப்பையில் இருந்த மடிக்கணினி, தங்கச் சங்கிலி மற்றும் சுமார் 4.53 இலட்சம் ரூபாய் மதிப்புள்ள பிற பொருட்கள் மற்றும் பணம் திருடப்பட்டன.
வெள்ளவத்தை காவல் நிலைய புலனாய்வு குழுவினர், சுமார் 73 கிலோமீட்டர் தூரத்திற்கு பரவியிருந்த பிரதான மற்றும் உப வீதிகளில் பொருத்தப்பட்டிருந்த கிட்டத்தட்ட 500 கண்காணிப்பு கமராக்களின் பதிவுகளை 10 நாட்கள் ஆய்வு செய்தனர். இதன் விளைவாக, எஹெலியகொட பகுதியில் இரு சந்தேக நபர்கள் கைது செய்யப்பட்டனர். திருடப்பட்ட மடிக்கணினி மற்றும் தங்கச் சங்கிலியும் மீட்கப்பட்டன.
கைது செய்யப்பட்டவர்கள் அவிசாவெல்லவைச் சேர்ந்த 44 வயது நபரும், எஹெலியகொடவைச் சேர்ந்த 40 வயது நபரும் ஆவர்.
மூன்றாவது சந்தேக நபரையும், மீதமுள்ள திருடப்பட்ட பொருட்களையும் தேடும் பணி தொடர்ந்து நடைபெற்று வருகிறது.
