பெண் என நினைத்து அறிமுகமில்லாத நபர்களுடன் , அல்லது அறிமுகமில்லாத பெண்களுடன் பழகுபவர்கள் மிகக் கவனமாக இருக்கவும் – காதல் மயக்கத்தில் தகாத வீடியோ Call பேசி மிரட்டலுக்கு உள்ளாகி எராளமான பணத்தை இழக்கும் நபர்கள்

வாட்சப் , மெசெஞ்சர் அல்லது இன்னபிற வீடியோ கோல் மூலம் பெண் என நினைத்து அறிமுகமில்லாத நபர்களுடன் , அல்லது அறிமுகமில்லாத பெண்களுடன் பழகுபவர்கள் மிகக் கவனமாக இருக்கவும் – எமது நாட்டிலேயே ஏன் எம்மை சுற்றியே உள்ள பல இளைஞர்கள் மற்றும் பிந்திய நடுத்தர வயது நபர்கள் அறிமுகமில்லாத நபர்களுடன் , அல்லது அறிமுகமில்லாத பெண்களுடன் பழகி காதல் , காம மயக்கத்தில் ஆடைகளை அவிழ்த்து வீடியோ கோல் பேசி ரெக்காட் செய்யப்பட்ட வீடியோக்களை வைத்து மிரட்டலுக்கு உள்ளாகி பணத்தை , மானத்தை இழந்த சம்பவங்கள் பலதும் பதிவாகி உள்ளது சிலர் அறிந்ததே… உங்களுடன் பழகும் போதே உங்கள் பேஸ்புக் இன்ஸ்டக்ராம் ஐ.டி க்களை நட்பாக இருக்க பெற்றுக் கொண்டு உங்கள் நண்பர்களை, உறவினர்களை அவர்களும் நண்பர்கள் ஆக்கி கொள்வார்கள் – அப்போது தான் அவர்கள் வீடியோக்களை பேஸ்புக்கில் போடுவதாக கூறும்போது நீங்கள் அதிகமாக அஞ்சுவீர்கள் என்பது கூடுதல் எச்சரிக்கை .

இந்நிலையில் அண்மையில் இந்தியாவின் பெங்களூரை சேர்ந்த இளைஞர் ஒருவர் டேட்டிங் செயலியில் பழக்கமான பெண்ணிடம் செல்போன் எண்ணை பகிர்ந்தார். இருவரும் வாட்ஸ்அப்பில் பேசி நெருக்கமாகினர். தகாத விடயங்கள் பற்றி இருவரும் மெசேஜில் பேசி கொண்டனர். அதன்பிறகு அந்த பெண் வீடியோ காலில் நிர்வாணமாக போஸ் கொடுத்தார்.

மேலும் இளைஞரையும் ஆடைகளை அவிழ்க்க கட்டளையிட்டார். ஆசையை அடக்க முடியாமல் இளைஞரும் வீடியோ காலில் நிர்வாணமான நிலையில் இப்போது அவர் சிக்கலில் சிக்கி உள்ளார்.

பெங்களூர் ஆடுகோடி அருகே வசித்து வருபவர் 25 வயது இளைஞர். இவர் தனியார் நிறுவனத்தில் பணியாற்றி வருகிறார். இந்நிலையில் தான் சில மாதங்களுக்கு முன்பு அவர் டேட்டிங் செயலியை தனது செல்போனில் டவுன்லோட் செய்தார்.

இந்த செயலியின் வழியாக அவருக்கும் அனன்யா என்ற பெயர் கொண்ட பெண்ணுக்கும் பழக்கம் ஏற்பட்டது. இருவரும் டேட்டிங் செயலி வழியாக தினமும் உரையாடி வந்தனர்.

செல்போன் எண்கள் மாற்றம்
இருவருக்கும் இடையே நட்பு உருவானது. அதன்பிறகு அவர்கள் தங்களின் செல்போன் எண்களை பரிமாறி கொண்டனர். இதனால் நினைத்த நேரத்தில் அவர்கள் 2 பேரும் மெசேஜை பரிமாறி வந்தனர். இருவருக்கும் நெருக்கம் அதிகரித்தது. நட்பு, நலம் விசாரிப்பு என்று உரையாடி இருவரும் அடுத்தக்கட்டத்துக்கு சென்றனர்.

நிர்வாண வீடியோ கால்
இருவரும் தங்களின் காதல் மற்றும் காமம் குறித்த விஷயங்களை மெசேஜில் பகிர்ந்து கொண்டனர். இருவருக்கும் இடையேயான உரையாடல் ஆபாசமாக நடந்து வந்தது. கடந்த 4ம் தேதி அந்த பெண் வாட்ஸ்அப்பில் இளைஞருக்கு வீடியோ கால் செய்தார். அப்போது அந்த பெண் வீடியோ காலில் நிர்வாணமாக தோன்றினார்.

ஆடைகளை அவிழ்த்த இளைஞர்

மேலும் இளைஞரின் ஆடைகளையும் கழற்றும்படி அந்த பெண் பணித்தார்.இதனால் இளைஞரும் ஆசையில் தனது உடைகளை களைந்து நிர்வாணமாக வீடியோ கால் பேசினார். சிறிது நேரத்துக்கு பிறகு உரையாடல் முடிவுக்கு வந்தது. அதன்பிறகு தான் அந்த இளைஞருக்கு சிக்கல் ஏற்பட்டது.

பணம் கேட்டு மிரட்டல்
அதாவது வீடியோ காலில் நிர்வாணமாக பேசிய அந்த பெண், இளைஞருக்கு போன் செய்து, ‛‛நிர்வாணமாக இருக்கும் வீடியோ உள்ளது. இந்த வீடியோவை பேஸ்புக் இன்ஸ்டாகிராம் உள்பட சமூக வலைதளங்களில் வெளியிட உள்ளேன். இதை செய்யாமல் இருக்க ரூ.30 ஆயிரம் தர வேண்டும்” னெ்று கூறினார்.

அதாவது இளைஞர் ஆடைகளை களைந்து அந்த பெண்ணிடம் நிர்வாணமாக வீடியோ காலில் பேசினார். அப்போது, அந்த பெண் அதனை ரெக்கார்ட் செய்து வைத்து மிரட்டியது தெரிந்தது. அப்போது தான் இளைஞர் அதிர்ந்து போனார். அந்த வீடியோ சமூக வலைதளங்களில் வெளியே வந்தால் தன் மானம் போய்விடும் என்று இளைஞர் பயந்தார்.

இதனால் ரூ.30 ஆயிரம் தருகிறேன். அந்த வீடியோவை டெலிட் செய்யும்படி பெண்ணிடம் கூறினார். அதற்கு அவரும் ‛ஓகே’ என்று கூறினார். இதையடுத்து இளைஞர் ரூ.30 ஆயிரத்தை அவருக்கு அனுப்பினார்.

அந்த பணத்தை பெற்று கொண்ட அந்த பெண், இதுதான் சமயம் என்று அந்த இளைஞரை மிரட்டி கூடுதல் பணம் கேட்டார். மேற்கொண்டு ரூ.40 ஆயிரம் வரை பறித்தார். மொத்தம் ரூ.70 ஆயிரத்தை அந்த இளைஞர் பறிகொடுத்தார். அதன்பிறகும் அந்த பெண் விடவில்லை.

தொடர்ந்து பணம் கேட்டு மிரட்டினார். இதனால் வேறு வழியின்றி அந்த இளைஞர் தனது நண்பர்களிடம் ஆலோசனை கேட்டார். அவர்கள் கூறியபடி 1930 என்ற எண்ணை தொடர்பு கொண்டு பெங்களூர் சைபர் கிரைம் போலீசில் புகார் செய்தார். போலீசார் வழக்குப்பதிவு செய்து விசாரணையை தொடங்கி உள்ளனர்.