சட்ட விரோதமாக பதிவு செய்யப்பட்ட 60 மில்லியன் ரூபாய் மதிப்புள்ள 3 சொகுசு வாகனங்களுடன் மொட்டுக் கட்சியின் மாநகர சபை உறுப்பினர் கைது
போலி ஆவணங்களைப் பயன்படுத்தி பதிவு செய்யப்பட்ட 60 மில்லியன் ரூபாய் மதிப்புள்ள 3 சொகுசு வாகனங்களுடன், முன்னாள் மேல் மாகாண சபை உறுப்பினர் அமல் சில்வா, வாலானா ஊழல் தடுப்புப் பிரிவினரால் கைது செய்யப்பட்டுள்ளார்.
வாலானா மத்திய ஊழல் தடுப்புப் பணிக்குழு அதிகாரிகளுக்குக் கிடைத்த தகவலின் அடிப்படையில் நடத்தப்பட்ட சோதனையின் போது, சந்தேக நபர் இன்று (28) கைது செய்யப்பட்டதாகக் கூறப்படுகிறது
இந்த வாகனங்கள் சட்டவிரோதமாக நாட்டிற்கு இறக்குமதி செய்யப்பட்டு, போலியான ஆவணங்களைப் பயன்படுத்தி மோட்டார் போக்குவரத்துத் துறையால் போலி எண்களின் கீழ் பதிவு செய்யப்பட்டதாகக் கூறப்படுகிறது.
மேலும், மூன்று லேண்ட் ரோவர் மற்றும் மிட்சுபிஷி ஜீப்புகள் குறித்த இடத்தில் கண்டுபிடிக்கப்பட்டுள்ளன.
போலி ஆவணங்களுடன் பதிவு செய்யப்பட்ட இந்த வாகனங்கள், அரசு நிறுவனங்களுக்குச் சொந்தமானதாகக் கூறப்படும் வாகனங்களின் பதிவு எண்களின் கீழ் பதிவு செய்யப்பட்டுள்ளதாக பொலிஸார் நடத்திய முதற்கட்ட விசாரணையில் தெரியவந்துள்ளது.
பாணந்துறை நீதவான் நீதிமன்றத்தில் நிலுவையில் உள்ள வழக்கு தொடர்பாக கைது செய்யப்பட்ட சந்தேக நபர், நாளை (29) நீதிமன்றத்தில் முன்னிலைபடுத்தப்பட உள்ளார்
