திருமதி சபினா யூசுப், இலங்கையை பிரதிநிதித்துவப்படுத்தி அமெரிக்காவில் நடைபெறும்  உலக விவாகமானோர் அழகிப் போட்டியில் கலந்து கொள்ள பயணமானார்

அமெரிக்காவில் நடைபெறவுள்ள 41-வது உலக விவாகமானோர் அழகிப் போட்டியில் (Mrs. World) இலங்கையைப் பிரதிநிதித்துவப்படுத்தி கலந்துகொள்வதற்காக, திருமதி சபினா யூசுப் இன்று (21) அதிகாலை கட்டுநாயக்க விமான நிலையத்திலிருந்து புறப்பட்டுச் சென்றார்.

இந்த அழகிப் போட்டி, உலகின் 60-க்கும் மேற்பட்ட நாடுகளைச் சேர்ந்த அழகிகளின் பங்கேற்புடன் நாளை (22) முதல் எதிர்வரும் 29-ஆம் திகதி வரை அමෙரிக்காவின் லாஸ் வேகாஸ் நகரில் நடைபெறவுள்ளது.

திருமதி சபினா யூசுப்பை வாழ்த்துவதற்காக, இந்த நிகழ்ச்சியின் தேசிய பணிப்பாளர் சந்திமால் ஜயசிங்க, தேசிய பயிற்சியாளர் ருக்மால் சேனநாயக்க, மொழி மற்றும் ஆளுமைத் திறன் பயிற்சியாளர் தாரக்க குருகந்த மற்றும் கடந்த 2024-ஆம் ஆண்டு உலக விவாகரமானோர் அழகிப் போட்டியில் இரண்டாம் இடத்தைப் (Runner-up) பெற்ற இஷாதி அமந்தா உள்ளிட்ட சபினாவின் உறவினர்கள் மற்றும் நண்பர்கள் பலர் கட்டுநாயக்க விமான நிலையத்திற்கு வருகை தந்திருந்தனர்.