அமெரிக்க ஜனாதிபதி டொனால்ட் ட்ரம்ப்பை வெள்ளை மாளிகையில் இலக்குவைத்து ‘படாமல்’ துப்பாக்கிச்சூடு நடத்தியவர் யார் என்ற விபரங்கள் வெளியாகின
அமெரிக்க ஜனாதிபதி டொனால்ட் ட்ரம்ப் ஊடகவியலாளர்களுடன் கலந்துகொண்ட இரவு விருந்து நிகழ்ச்சியில் துப்பாக்கிச்சூடு நடத்தியவர், கலிபோர்னியாவின் டொரன்ஸ் (Torrance) நகரைச் சேர்ந்த 31 வயதுடைய கோல் தோமஸ் ஆலன் (Cole Tomas Allen) என அடையாளம் காணப்பட்டுள்ளார்.
அவர் நன்கு கல்வி கற்றவர் என்றும், ஒரு தனியார் கல்வி நிலையத்தில் ஆசிரியராகப் பணியாற்றியதுடன், வீடியோ கேம் உருவாக்கத்தில் ஆர்வம் கொண்ட ஒருவராக (Amateur Developer) இருந்ததாகவும் கூறப்படுகிறது. இவருக்குக் கல்விப் புலத்தில் பின்வரும் தகுதிகள் உள்ளன:
• கணினி அறிவியல் (Computer Science) துறையில் முதுகலைப் பட்டம்.
• இயந்திரப் பொறியியல் (Mechanical Engineering) துறையில் இளகலைப் பட்டம்.
இவரைப் பற்றிப் பேசியுள்ள விரிவுரையாளர் ஒருவர், “அவர் மிகவும் மென்மையாகப் பேசக்கூடியவர், மரியாதையானவர்; எப்போதும் வகுப்பில் முதல் வரிசையிலேயே அமர்ந்திருப்பார்,” என்று தெரிவித்துள்ளார்.
சம்பவம் நடைபெற்ற வாஷிங்டன் ஹில்டன் (Washington Hilton) ஹோட்டலில் அவர் தங்கியிருந்த அறையை பொலிஸார் சோதனையிட்டு வருகின்றனர். துப்பாக்கிச்சூடு நடத்திய போது பாதுகாப்புப் பிரிவினரால் கைது செய்யப்பட்ட அவர், தற்போது தீவிர விசாரணைக்கு உட்படுத்தப்பட்டு வருகின்றார்.
