முஜிபுர் ரஹ்மானுக்கும், போதைப்பொருள் கடத்தல் சந்தேக நபர் ஒருவருக்கும் இடையில் 53 தொலைபேசி அழைப்புகள் – முஜிபுர் ரஹ்மானிடம் CID வாக்குமூலம் பதிவு செய்தது

போதைப்பொருள் கடத்தல் சந்தேக நபர் ஒருவருடன் 53 தொலைபேசி அழைப்புகள் பரிமாறப்பட்டுள்ளதை புலனாய்வாளர்கள் கண்டறிந்ததை அடுத்து, சமகி ஜன பலவேகய (SJB) நாடாளுமன்ற உறுப்பினர் முஜிபுர் ரஹ்மானிடம் இலங்கையின் குற்றப் புலனாய்வுத் திணைக்களம் (CID) வாக்குமூலம் ஒன்றை பதிவு செய்துள்ளது.

போதைப்பொருள் கடத்தலுடன் தொடர்புடைய சிறைக்கைதி ஒருவரின் வசம் இருந்த கைபேசி ஒன்று கண்டறியப்பட்டதைத் தொடர்ந்து, தற்போது நடைபெற்று வரும் விசாரணையின் போது இந்த விடயம் தெரியவந்துள்ளது.

குறித்த சாதனத்தை விரிவான பரிசோதனைக்கு உட்படுத்திய போதே இந்த அழைப்புப் பதிவுகள் அடையாளம் காணப்பட்டதாக அதிகாரிகள் தெரிவித்துள்ளனர்.