“அரசாங்கம் பொருளாதாரத்தை வலுப்படுத்தியுள்ளதால் செலவு செய்வதற்கு பணம் இருக்கிறது..” – மாலிமா (திசைகாட்டி) நாடாளுமன்ற உறுப்பினர்
‘பிரஜா சக்தி ஆயிரம் கிராமங்களில் ஆயிரம் வேலைத்திட்டங்கள்’ தேசிய நல்வழிகாட்டலின் ஆரம்ப நிகழ்வுக்கு இணையாக, பஸ்பாகே கோரளை பிரதேச செயலகப் பிரிவின் பணிகள் கண்டி மாவட்ட நாடாளுமன்ற உறுப்பினர் துஷாரி ஜயசிங்க அவர்களின் தலைமையில் (02) ஆம் திகதி வெலிகம்பல கிராம உத்தியோகத்தர் பிரிவில் ஆரம்பித்து வைக்கப்பட்டது.
இதற்கமைய, வெலிகம்பல லேல்கந்துர அணைக்கட்டு மற்றும் 2.5 கிலோமீட்டர் நீளமுள்ள வாய்க்கால் என்பன 25 இலட்சம் ரூபா நிதி ஒதுக்கீட்டின் கீழ் புனரமைக்கப்படவுள்ளன.
இந்த வாய்க்காலைப் புனரமைப்பதன் மூலம் 21 ஏக்கர் வயல் நிலங்களைச் பயிர்செய்வதற்குத் தேவையான தொடர்ச்சியான நீர் விநியோகம் கிடைப்பதுடன், நாற்பது விவசாயக் குடும்பங்கள் இதன்மூலம் நேரடிப் பயன்களைப் பெற்றுக்கொள்வர்.
ஒரு விவசாய நாடு என்ற ரீதியில், பல்பரிமாண வறுமையிலிருந்து விடுபடுவதற்கு முதன்மையாகச் செய்ய வேண்டியது விவசாயியை ஊக்குவிப்பதே என்றும், அரசாங்கம் பொருளாதாரத்தை வலுப்படுத்தியுள்ளதால் ஒரு அரசாங்கமாகத் தங்களுக்குச் செலவு செய்வதற்குப் பணம் உள்ளதாகவும், எனவே ஒரு தெளிவான தொலைநோக்குப் பார்வையுடன் விவசாயிகளை ஊக்குவிக்கும் பணிகள் மேற்கொள்ளப்பட்டு வருவதாகவும் இந்நிகழ்வில் கலந்துகொண்ட நாடாளுமன்ற உறுப்பினர் துஷாரி ஜயசிங்க தெரிவித்தார்.
மேலும், பஸ்பாகே கோரளை பிரதேசத்திற்காக மாத்திரம் பிரஜா சக்தி திட்டத்தின் கீழ் 29 கிராம உத்தியோகத்தர் பிரிவுகளுக்கு 620 மில்லியன் ரூபா போன்ற ஒரு பெருந்தொகை நிதி ஒதுக்கீடு செய்யப்பட்டுள்ளதாகவும் நாடாளுமன்ற உறுப்பினர் மேலும் தெரிவித்தார்.
