ஐரோப்பாவின் வெப்ப அலை காரணமாக, ஐரோப்பா முழுவதும் 1,300 அதிகமான மரணங்கள் பதிவாகியுள்ளதாக WHO அறிவிப்பு
ஐரோப்பாவின் வெப்ப அலை காரணமாக, ஜூன் 21 முதல் ஐரோப்பா முழுவதும் 1,300-க்கும் அதிகமான கூடுதல் மரணங்கள் பதிவாகியுள்ளதாக உலக சுகாதார அமைப்பு (WHO) ஞாயிற்றுக்கிழமை தெரிவித்துள்ளது.
நீடித்த கடுமையான வெப்பநிலை, குறிப்பாக முதியவர்கள், குழந்தைகள் மற்றும் ஏற்கனவே மருத்துவ பாதிப்புகள் உள்ளவர்களுக்கு கடுமையான பொது சுகாதார அபாயத்தை தொடர்ந்து ஏற்படுத்துகிறது என்று உலக சுகாதார அமைப்பு எச்சரித்துள்ளது.
இதற்கிடையில், ஏஎஃப்பி (AFP) மதிப்பீடுகளின்படி, ஐரோப்பா முழுவதும் சுமார் 191 மில்லியன் மக்கள் ஞாயிற்றுக்கிழமை குறைந்தபட்சம் 35°C வெப்பநிலையை எதிர்கொள்வார்கள் என்று கணிக்கப்பட்டுள்ளது.
மிகவும் கடுமையான வெப்பம் ஜெர்மனி, செக் குடியரசு, ஹங்கேரி மற்றும் போலந்து ஆகிய நாடுகளில் எதிர்பார்க்கப்படுகிறது, அங்கு அதிகாரிகள் வெப்ப எச்சரிக்கைகளை விடுத்துள்ளதுடன், குடியிருப்பாளர்களை முன்னெச்சரிக்கை நடவடிக்கைகளை எடுக்குமாறு வலியுறுத்தியுள்ளனர்.
இந்த வெப்ப அலை பல ஐரோப்பிய நாடுகளில் வெப்பநிலை சாதனைகளை முறியடித்துள்ளது, காட்டுத்தீயை தூண்டியுள்ளது, அன்றாட வாழ்க்கையை சீர்குலைத்துள்ளது மற்றும் சுகாதார சேவைகள் மற்றும் உள்கட்டமைப்புகள் மீது கூடுதல் அழுத்தத்தை ஏற்படுத்தியுள்ளது.
மக்கள் உடலை நீரேற்றத்துடன் வைத்திருக்குமாறும், உச்ச நேரங்களில் சூரிய ஒளியில் நீண்ட நேரம் இருப்பதைத் தவிர்க்குமாறும், அத்துடன் பாதிக்கப்படக்கூடிய குடும்ப உறுப்பினர்கள் மற்றும் அண்டை வீட்டாரைக் கண்காணிக்குமாறும் சுகாதார அதிகாரிகள் தொடர்ந்து அறிவுறுத்தி வருகின்றனர்.
