சிறைச்சாலைக்கு அனுப்பப்படும் பௌத்த பிக்குகள் தொடர்பில் நடைமுறையில் உள்ள சட்டங்களைத் திருத்துவதற்காக ஜனாதிபதியால் நியமிக்கப்பட்ட குழுவின் பரிந்துரிகளுக்கு மகா சங்கத்தினரின் ஒப்புதல் கிடைத்துள்ளது. இருப்பினும், அந்தச் சட்டத்தை நடைமுறையில் பயன்படுத்துவது குறித்து முந்நிகாயங்களைச் சேர்ந்த மகா சங்கத்தினர் 31 தரப்பினர் அல்லது சங்க சபை ஒன்றுகூடி விவாதித்து பொருத்தமான பொதுவான செயல் திட்டம் ஒன்றை வகுக்க வேண்டும் என மகா சங்கத்தினர் யோசனை தெரிவித்துள்ளனர்.
ஷியாமோபாலி மகா நிகாயத்தின் அஸ்கிரிய தரப்பின் மகா செயலாளர் கலாநிதி பூஜ்ய மெடகம தம்மாநந்த நாயக்க தேரர் உள்ளிட்ட முந்நிகாய மகா சங்கத்தினரின் (31 தரப்பினர்) கலந்துகொள்ளலுடன், இன்று (20) புத்தசாசன அமைச்சின் “தஹம்பய” வளாகத்தில் நடைபெற்ற புத்தசாசன சபைக் கூட்டத்தின்போதே இந்த உடன்பாடு எட்டப்பட்டது.
பூஜ்ய கலபொடஅத்தே ஞானசார தேரரின் காவி உடை (மஞ்சள் ஆடை) நீக்கப்பட்டது தொடர்பில் சமூகத்தில் எழுந்துள்ள விவகாரங்கள் குறித்து மகா சங்கத்தினரின் கருத்துகள் மற்றும் யோசனைகளைப் பெற்றுக்கொள்வதும், அதற்காக அரசாங்கம் எடுத்துள்ள நடவடிக்கைகள் குறித்து அறிவிப்பதும் இக்கூட்டின் சிறப்புக் அம்சமாக இருந்தது.
இந்தச் சந்திப்பில் புத்தசாசன, சமய மற்றும் கலாட்டூச்சிகளுக்கிடையேயான அலுவல்கள் அமைச்சர் கலாநிதி ஹினிதும சுனில் செனெவி, பிரதி அமைச்சர் கமகெதர திசாநாயக்க, அமைச்சின் செயலாளர் பிரின்ஸ் சேனாதீர மற்றும் பௌத்த விவகார ஆணையாளர் ஆர்.எம்.ஜி. சேனாரத்ன உள்ளிட்ட பலர் கலந்துகொண்டனர்.
ஜனாதிபதியால் நியமிக்கப்பட்ட குழுவின் தலைவரும், புத்தசாசன அமைச்சின் செயலாளருமான பிரின்ஸ் சேனாதீர இதன்போது குழுவின் யோசனைகளை மகா சங்கத்தினரிடம் முன்வைத்து, சட்டத்தின் 356 மற்றும் 550 விரிவுகளைத் திருத்த வேண்டியதன் அவசியத்தை விளக்கினார்.
குறிப்பாக, சிறைச்சாலைக்கு அனுப்பப்பட்ட பிக்கு ஒருவர் மீண்டும் நீதிமன்றத்திற்கு அழைத்துச் செல்லப்படும் சந்தர்ப்பத்திலோ அல்லது வேறு தேவைகளுக்காக சிறையிலிருந்து வெளியே அழைத்துச் செல்லப்படும்போதோ காவியில் அழைத்துச் செல்வது சம்பந்தப்பட்ட நிகாயத் தரப்பு அல்லது சங்க சபையின் பரிந்துரைகளின் அடிப்படையிலேயே செயற்படுத்தப்பட வேண்டும் என்ற யோசனை இதன்போது முன்வைக்கப்பட்டது.
இதன்போது, இந்தச் சட்டத்தை நடைமுறையில் பயன்படுத்துவது குறித்து முந்நிகாயங்களைச் சேர்ந்த மகா சங்கத்தினர் 31 தரப்பினர் அல்லது சங்க சபை ஒன்றுகூடி பேசி பொருத்தமான பொதுவான செயல் திட்டம் ஒன்றை உருவாக்க வேண்டும் என மகா சங்கத்தினர் தெரிவித்தனர்
