சற்றுமுன் கிடைத்த செய்திகளின் படி இஸ்ரேல் அதிபர் ஐசக் ஹெர்ஸாக், புதிய அரசை அமைப்பதற்கான முயற்சிகளை மேற்கொள்ள எதிர்க்கட்சி கூட்டணி மற்றும் ‘யாஷர்’ கட்சியின் தலைவரான காடி ஐசென்காட்டைத் தேர்ந்தெடுத்துள்ளார்.

சற்றுமுன் கிடைத்த செய்திகளின் படி இஸ்ரேல் அதிபர் ஐசக் ஹெர்ஸாக், புதிய அரசை அமைப்பதற்கான முயற்சிகளை மேற்கொள்ள எதிர்க்கட்சி கூட்டணி மற்றும் ‘யாஷர்’ கட்சியின் தலைவரான காடி ஐசென்காட்டைத் தேர்ந்தெடுத்துள்ளார்.

நடந்து முடிந்த தேர்தலில் எந்தக் கட்சிக்கும் பெரும்பான்மை கிடைக்காத நிலையில் இந்த முடிவு எடுக்கப்பட்டுள்ளது.
தற்போதுள்ள சூழலில் நெதன்யாகுவிற்குப் பலத்த போட்டியாளராக ஐசென்காட் விளங்குகிறார்.

அக்டோபர் 27 அன்று நடைபெற்ற தேர்தலில் நெதன்யாகுவின் தீவிர தேசியவாத கூட்டணி பெரும்பான்மையை இழந்தது. இருப்பினும், நாடாளுமன்றத்தில் அதிக இடங்களைக் கைப்பற்றிய தனிப்பெரும் தொகுதியாக அவரது கூட்டணி தொடர்கிறது.

இதனால் தனது பதவியைத் தக்கவைத்துக்கொள்ள நெதன்யாகு தீவிரமாகப் போராடி வருகிறார்.
முன்னாள் ராணுவத் தலைவரான ஐசென்காட் தலைமையிலான நெதன்யாகு எதிர்ப்பு கூட்டணி, தனக்கு பெரும்பான்மை பெற உதவி செய்யக்கூடிய அரபு கட்சிகளுடன் இணைய மறுத்துவிட்டது.
இருப்பினும், நெதன்யாகு மற்றும் அவரது தீவிர வலதுசாரி கூட்டாளிகளின் கொள்கைகளால் அதிருப்தியடைந்த அரபு தலைவர்கள், அதிபர் ஹெர்ஸாக்குடன் நடத்திய நீண்ட கட்ட பேச்சுவார்த்தையின் போது ஐசென்காட்டையே பிரதமர் வேட்பாளராகப் பரிந்துரை செய்தனர்.