News

நெதன்யாஹுவுக்கு ஏற்பட்டுள்ள நிலை


இஸ்ரேலில் கடந்த ஒக்டோபர் 27ஆம் திகதி நடைபெற்ற பாராளுமன்றத் தேர்தலில் பிரதமர் பெஞ்சமின் நெதன்யாகுவின் வலதுசாரிக் கூட்டணி 53 இடங்களை மட்டுமே கைப்பற்றியதால் ஆட்சியமைப்பதற்குத் தேவையான 61 இடங்களைப் பெறத் தவறியுள்ளது.



இதையடுத்து எதிர்க்கட்சித் தலைவர் காடி ஐசன்கோட்டை புதிய அரசாங்கத்தை அமைக்குமாறு இஸ்ரேல் ஜனாதிபதி அழைத்துள்ளார்.



அவருக்கு அரசாங்கத்தை அமைப்பதற்கு 42 நாட்கள் வரை அவகாசம் வழங்கப்பட்டுள்ளது.



இதற்கிடையில், பாராளுமன்ற சபாநாயகர் தேர்தலில், ஐசன்கோட் தரப்பின் வேட்பாளர் மத்தான் கஹானா, இரண்டு அரபு அரசியல் கட்சிகளின் ஆதரவுடன் வெற்றி பெற்றுள்ளார்.



நெதன்யாகுவின் லிகுட் கட்சி வேட்பாளர் ஓபிர் காட்ஸ் 52 வாக்குகளை மட்டுமே பெற்று தோல்வியடைந்துள்ளார்.



இதன் மூலம் பாராளுமன்றத்தின் முக்கிய பொறுப்பையும் எதிர்க்கட்சிகள் தங்கள் வசப்படுத்தியுள்ளன.



மறுபுறம், நெதன்யாகுவின் அரசியல் எதிர்காலமும் கேள்விக்குறியாகியுள்ளது. அவரது கூட்டணி பெரும்பான்மையை இழந்துள்ள நிலையில், எதிர்க்கட்சிகள் அவரைப் பிரதமர் பதவியிலிருந்து அகற்றுவதற்கான நடவடிக்கைகளைத் தீவிரப்படுத்தியுள்ளன.



மேலும், 2023ஆம் ஆண்டு ஒக்டோபர் 7ஆம் திகதி இடம்பெற்ற தாக்குதல்கள் தொடர்பாக அரச விசாரணை ஆணைக்குழு அமைப்பது மற்றும் பிரதமரின் பதவிக்காலத்திற்கு வரம்பு விதிப்பது தொடர்பான சட்டமூலங்களையும் ஐசன்கோட் தரப்பு முன்வைத்துள்ளது.



இதற்கிடையில், நெதன்யாகு எதிர்கொண்டுவரும் ஊழல் வழக்கு விசாரணையும் அவரது அரசியல் நெருக்கடியை மேலும் அதிகரித்துள்ளது.



இதனால் இஸ்ரேலில் நீண்டகாலமாக அரசியல் செல்வாக்குடன் விளங்கிய நெதன்யாகுவின் ஆட்சி எதிர்காலம் தற்போது பெரும் கேள்விக்குறியாகியுள்ளது

Recent Articles

Leave a Reply

Your email address will not be published. Required fields are marked *

Back to top button