எதிர்வரும் தேர்தலில் எங்களுக்கு கருணை காட்டி வாக்களியுங்கள் என பொதுஜன பெரமுன தேசியப் பட்டியல் வேட்பாளர் நாமல் ராஜபக்ஷ வேண்டுகோள்
எமக்கு கருணை காட்டி வாக்களியுங்கள் என ஶ்ரீலங்கா பொதுஜன பெரமுனவின் தேசியப் பட்டியல் வேட்பாளர் நாமல் ராஜபக்ஷ, கட்சி உறுப்பினர்களிடம் கேட்டுக் கொண்டார்.
பாணந்துறை களுதேவல பிரதேசத்தில் இடம்பெற்ற கட்சிக் கூட்டத்தின் போதே அவர் இதனைக் கோரியுள்ளார்.
அடுத்த பத்தாண்டுகளில் நாம் தீர்க்கமான காரணியாக மாறுவோம். நீங்கள் கடினமான நேரத்தில் இருக்கிறீர்கள். தலைவர் கட்சியை விட்டு வெளியேறியதால் கட்சியினர் ஏமாற்றம் அடைந்தனர். ஜனாதிபதி தேர்தலின் போது கூட அவர் வாக்களிப்பு நிலையங்களுக்கு செல்லவில்லை.
எனவே இத்தேர்தலில் எங்களுக்கு கருணை காட்டி வாக்குச்சாவடிக்கு சென்று வாக்களியுங்கள். அப்படி நடந்தால் அரசியல் ரீதியாக யாரும் எதிர்பார்க்காத முடிவு கிடைக்கும் என்ற நம்பிக்கை எனக்கு உள்ளது என்றார்.
அடுத்த ஐந்து வருடங்களில் ஜனாதிபதி அனுரகுமார திஸாநாயக்கவுக்கு யார் சவாலாக இருப்பார்கள் என்று சிலர் என்னிடம் கேட்கிறார்கள். ரணில் விக்கிரமசிங்கவா? நாமல் ராஜபக்ஷ? சஜித் பிரேமதாசா? என்று அதற்கு சவால் விடுவது வேறு யாரும் இல்லை. அவரும் அவரது குழுவினரும். ஏனென்றால் தேர்தல் மேடையில் சொல்லப்படும் பொய்களை நிரூபிக்க முடியாது என மேலும் தெரிவித்தார்
