நிக்கவெரட்டியவில் உள்ள ஒரு விகாரையின் பெளத்த துறவி என்று கூறிக்கொண்டு, கொஸ்கமவில் உள்ள வீடுகளில் இருந்து பொருட்களையும் பணத்தையும் வசூலித்ததாகக் கூறப்படும் ஒருவரைக் கைது செய்ய கொஸ்கம பொலிஸார் பொதுமக்களின் உதவியை நாடியுள்ளனர்.
பொலிஸாருக்கு கிடைத்த புகார்களின்படி, இந்த நபர் பொதுமக்களிடமிருந்து நன்கொடைகளைச் சேகரித்து, அவற்றை மாலை நேரங்களில் பல்வேறு இடங்களில் விற்று பணம் சம்பாதித்து வருவது தெரியவந்துள்ளது.
இந்தச் சம்பவம் குறித்து விரிவான விசாரணைகளை நடத்தி வரும் கொஸ்கம பொலிஸார், இந்த நபரின் நடவடிக்கைகள் அல்லது அவர் நடமாடும் இடங்கள் குறித்து ஏதேனும் தகவல் தெரிந்தால் உடனடியாக பொலிஸாருக்கு தெரிவிக்குமாறு பொதுமக்களைக் கேட்டுக்கொண்டுள்ளனர்
Follow Us
