இலங்கையில் TIN நம்பர் பெற வேண்டிய 1 கோடியே 70 இலட்சம் பேரில் 40 இலட்சம் பேர் மட்டுமே இன்னும் TIN நம்பர் எடுக்கவில்லை
18 வயது மற்றும் அதற்கு மேற்பட்ட அனைத்துக் குடிமக்களும் உள்நாட்டு இறைவரித் திணைக்களத்தில் (IRD) பதிவு செய்வது சட்டப்பூர்வமாகக் கட்டாயமாக்கப்பட்டிருந்த போதிலும், சுமார் 4 மில்லியன் இலங்கையர்கள் இதுவரை தமது வரி செலுத்துவோர் அடையாள எண்ணைப் (TIN) பெறவில்லை எனத் திணைக்களம் தெரிவித்துள்ளது.
IRD ஆணையாளர் நந்தன குமார இது குறித்துத் தெரிவிக்கையில், தற்போதுவரை சுமார் 13 மில்லியன் மக்கள் திணைக்களத்தில் பதிவு செய்து TIN எண்களைப் பெற்றுள்ளதாகக் குறிப்பிட்டார். இலங்கையில் 18 வயது மற்றும் அதற்கு மேற்பட்டோரின் மொத்த எண்ணிக்கை சுமார் 17 மில்லியனாக மதிப்பிடப்பட்டுள்ள நிலையில், இன்னும் 4 மில்லியன் பேர் இந்தப் பதிவுச் செயற்பாட்டை நிறைவு செய்ய வேண்டியுள்ளது என்றார்.
முன்னதாகக் குறிப்பிட்ட சில தேவைகளுக்காக மட்டுமே TIN பதிவு கோரப்பட்டதாகவும், ஆனால் தற்போதைய சட்டத்தின்படி 18 வயதை எட்டிய ஒவ்வொரு நபரும் கட்டாயமாக TIN பெற வேண்டும் எனவும் அவர் மேலும் விளக்கமளித்தார்.
