சிரேஷ்ட பொலிஸ் கண்காணிப்பாளர் ஷானி அபேசேகரா மத்திய குற்றப் புலனாய்வுப் பிரிவின் பணிப்பாளராக நியமனமிக்கப்பட்டார்

இலங்கை குற்றப் புலனாய்வுத் துறையின் (CID) முக்கிய பிரிவான மத்திய குற்றப் புலனாய்வுப் பிரிவின் பணிப்பாளராக சிரேஷ்ட பொலிஸ் கண்காணிப்பாளர் ஷானி அபேசேகரா நியமிக்கப்பட்டுள்ளார்.

இந்த நியமனத்திற்கு தேசிய காவல் ஆணைக்குழு ஒப்புதல் அளித்துள்ளது.

பதில் பொலிஸ் மா அதிபர் பிரியந்த வீரசூரியவின் பரிந்துரையின் பேரில் இந்த நியமனம் மேற்கொள்ளப்பட்டுள்ளது.

முக்கிய குற்ற விசாரணைகளின் மேற்பார்வையை வலுப்படுத்தும் முயற்சிகளுக்கு மத்தியில் இந்த நியமனம் இடம்பெற்றுள்ளது.

2017 முதல் 2019 வரை CID பணிப்பாளராகப் பணியாற்றிய அபேசேகரா, 2024 ஒக்டோபரில் புதிதாக தேர்ந்தெடுக்கப்பட்ட தேசிய மக்கள் சக்தி (NPP) அரசாங்கத்தின் கீழ் மீண்டும் பொலிஸ் சேவையில் இணைக்கப்பட்டார்.

இதற்கு முன்னர், அவர் ஒப்பந்த அடிப்படையில் குற்றவியல் புலனாய்வு பகுப்பாய்வு மற்றும் தடுப்புப் பிரிவின் பணிப்பாளராக பணியாற்றி வந்தார்.