2026 ஆம் ஆண்டில் இலங்கையின் பொருளாதாரம் எதிர்பார்த்ததை விட மிக வலுவான வளர்ச்சியைக் காணும் ; மத்திய வங்கி ஆளுநர்
2026 ஆம் ஆண்டில் இலங்கையின் பொருளாதாரம் எதிர்பார்த்ததை விட வலுவான வளர்ச்சியைக் காணக்கூடும் என மத்திய வங்கி ஆளுநர் கலாநிதி நந்தலால் வீரசிங்க தெரிவித்துள்ளார்.
சூறாவளிக்குப் பிந்தைய புனரமைப்புப் பணிகளுக்காக அரசாங்கம் செலவிடவுள்ள மேலதிக நிதியே இதற்கு முக்கிய காரணமாக அமையவுள்ளது. இருப்பினும், இதன் முழுமையான தாக்கத்தை இப்போதே மதிப்பிடுவது கடினம் என்றும் அவர் குறிப்பிட்டுள்ளார்.
நாட்டின் பொருளாதார நிலை குறித்த தொலைக்காட்சி நிகழ்ச்சி ஒன்றில் கலந்துகொண்டு கருத்து வெளியிடும்போதே ஆளுநர் வீரசிங்க இதனைக் கூறினார். இது குறித்து அவர் மேலும் தெரிவித்ததாவது:
* பொருளாதார வளர்ச்சி: ஆரம்பத்தில் 2026 ஆம் ஆண்டிற்கான வளர்ச்சி 4% முதல் 5% வரை இருக்கும் என கணிக்கப்பட்டது. எனினும், புனரமைப்புப் பணிகளுக்கான மேலதிக நிதி ஊக்கத்தொகை, பொருளாதார நடவடிக்கைகளை மேலும் அதிகரிக்கக்கூடும். ஆனால், இந்த நிதிகள் தாமதமின்றி வினைத்திறனாக செலவிடப்படுவது அவசியமாகும்.
* கடந்த கால நிலைமை: 2023 ஆம் ஆண்டின் பொருளாதார வளர்ச்சி எதிர்பார்ப்புகளைத் தாண்டியிருந்தது. குறிப்பாக, மூன்றாவது காலாண்டில் வளர்ச்சி 5% ஐ நெருங்கியிருந்தது.
* சூறாவளியின் தாக்கம்: நான்காவது காலாண்டில் ஏற்பட்ட ‘டிட்வா’ (Ditwah) சூறாவளியின் தாக்கம் இன்னும் முழுமையாக மதிப்பிடப்படவில்லை. இருந்தபோதிலும், இறுதி வளர்ச்சிப் புள்ளிவிபரங்கள் 5% இற்கு நெருக்கமான மட்டத்திலேயே இருக்கும் என அவர் தெரிவித்தார்.
