1987- 89 காலப்பகுதியில் பௌத்த தேரர்கள் ப*டுகொலை செய்யப்பட்டமைக்கு JVP இதுவரை பொறுப்புக் கூறவில்லை… ஆனால் இப்போது குற்றம் சாட்டப்பட்டுள்ள தேரர்களுக்கு எதிராக நடவடிக்கை எடுக்க ஜனாதிபதி ஆதரவு கொடுக்கிறார் என UNP விமர்சனம்
கடந்த காலத்தில் பௌத்த மதத்தை சிதைத்ததாகக் குற்றம் சாட்டப்பட்டவர்களுக்கு எதிராக நடவடிக்கை எடுக்குமாறு விடுக்கப்பட்ட கோரிக்கைகளுக்கு ஜனாதிபதி அநுர குமார திஸாநாயக்க அண்மையில் ஆதரவு தெரிவித்ததை ஐக்கிய தேசியக் கட்சி (UNP) விமர்சித்துள்ளதுடன், 1987-89 காலப்பகுதியில் இடம்பெற்ற கிளர்ச்சியின் போது பௌத்த தேரர்கள் படுகொலை செய்யப்பட்டமைக்கு மக்கள் விடுதலை முன்னணி (JVP) இதுவரை பொறுப்புக்கூறவில்லை என்றும் வாதிட்டுள்ளது.
ஓர் அறிக்கையில், அந்த காலகட்டத்தில் கொல்லப்பட்டதாகக் கூறப்படும் பல தேரர்களின் பெயர்களைக் குறிப்பிட்ட ஐக்கிய தேசியக் கட்சி, அந்த வரலாற்றுக்கு முதலில் தீர்வு காணாமல், பௌத்த மதகுருமார் தொடர்பான சீர்திருத்தங்களைத் தொடர்வதற்கான தார்மீக அடிப்படை குறித்து கேள்வி எழுப்பியுள்ளது.
மேலும், முன்மொழியப்பட்டுள்ள தம்ம நீதிமன்றங்கள் மற்றும் விகாரகம-தேவாலகம சட்டத் திருத்தங்கள் குறித்து கவலை வெளியிட்டுள்ள அக்கட்சி, மகா சங்கத்தினர் மற்றும் எதிர்க்கட்சிப் பிரதிநிதிகளுடன் போதிய ஆலோசனைகளை நடத்தாமல் அரசாங்கம் இதனை முன்னெடுத்துள்ளதாகக் குற்றம் சாட்டியுள்ளது.
தவறிழைக்கும் தேரர்களுக்கு எதிராக நடவடிக்கை எடுப்பதை தாம் எதிர்க்கவில்லை என்று கூறிய ஐக்கிய தேசியக் கட்சி, ஆனால் எந்தவொரு சீர்திருத்தமும் தற்போதைய அரசியலமைப்பு விதிகள், நிறுவப்பட்ட மரபுகள் மற்றும் சிரேஷ்ட பௌத்த மதகுருமார்களுடனான ஆலோசனைகளைப் பின்பற்றியே அமைய வேண்டும் என்றும் வலியுறுத்தியுள்ளது.
